انور سولنگي
انور سولنگي
انور سولنگي: ٽي وي ۽ ريڊيو جي نامور اداڪار، انور سولنگي جو جنم 1944ع ڌاري شھدادپور ۾ ٿيو. جتان پوءِ سندس خاندان حيدرآباد منتقل ٿيو. ريڊيو تي پنھنجي ڪيريئر جي شروعات 1970ع ۾ ڪئي، پر سندس مشهوري 1974ع ۾ پاڪستان ٽيليويزن جي ڊرامن جي ڪري ٿي. هو پاڪستان جي انهن چند سينيئر اداڪارن ۾ شامل ٿئي ٿو، جن کي پنھنجي ڪردار جي سانچي ۾ گهڙڻ ايندو هو. هن ٽي وي ۽ ريڊيو جي پنج سئو کان وڌيڪ ڊرامن ۾ ڪم ڪيو. جن ۾ سنڌي ۽ اردو ڊراما شامل آهن. انور سولنگي جي مقبول ڊرامن ۾ ”راني ڪي ڪهاني“، ”ڇوٽي سي دنيا“، ”ديوارين“، ”جنگل“، ”هوائين“ ۽ ”ماروي“ شامل آهن. گهٽ ماڻهن کي خبر آهي تہ انور سولنگي اداڪار سان گڏوگڏ ڪهاڻيڪار ۽ شاعر بہ هو. 2008ع ۾ سندس شاعري ۽ ڪهاڻين جو مجموعو ”زهر ڀريا پيالا“ ڇپيو. انور سولنگي 4 اپريل 2008ع تي 64 سالن جي عمر ۾ ڪراچي ۾ گذاري ويو ۽ کيس سخي حسن قبرستان ڪراچيءَ ۾ دفنايو ويو.
لفظ انور سولنگيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1944.00.00 عيسوي
ٽي وي ۽ ريڊيو جو نامور اداڪار انور سولنگي جو جنم 1944ع ڌاري شهدادپور ۾ ٿيو
2008.04.04 عيسوي
انور سولنگي 4 اپريل 2008ع تي 64 سالن جي عمر ۾ ڪراچي ۾ گذاري ويو
شخصيتون - ڀاڱي جون ٻِيون داخلائون
ابراهيم شاھہ جتي ستيپيرزادو شاھہ محمد
دين محمد ڪنڀار
درس محمد سچل
بلبن
پيرل پرديسي سيتائي
ابن الاثير
الھداد زرداري
شاھہ عبدالله بن عبدالعزيز
قاضي فضل ﷲ