انور علي شاھہ: انور علي شاھہ: سيد انور علي شاھہ 1906ع ڌاري ڳوٺ جهانپور شريف تعلقي گهوٽڪيءَ، ضلعي سکر ۾ ڄائو. سندس شجرو اٺن واسطن کان پوءِ عبدالڪريم شاھہ سبيءَ واري ۽ چوڏهن واسطن کان پوءِ مخدوم سيد جھانيان جھان گشت (1334-1308ع) سان ملي ٿو.جڏهن کيس اسڪول ۾ پڙهڻ لاءِ ويهاريو ويو تہ ان طرف ڪوبه ڌيان نہ ڏنائين. مجبور ٿي مائٽن کيس گهر ۾ ويهاري ڇڏيو. پيءُ جي وفات کان پوءِ سندس تربيت جو ذمو سندس چاچي بهادرشاھہ کنيو، جيڪو پاڻ عالم ۽ حافظ قرآن هو. انور شاھہ کي جڏهن قرآن شريف پڙهڻ لاءِ ويهاريو ويو تہ هڪ مهيني ۾ پڙهي پورو ڪيائين. ڪجهہ وقت لاءِ جامع مسجد ۾ امامت بہ ڪيائين. نهايت سخي هوندو هو. ڳوٺ ۾ هڪ آشيانو بہ اڏيائين، جتي عقيدتمند ۽ مريد وٽس گهڻي انداز ۾ اچڻ لڳا. انهيءَ وقت کان شاعري پڻ شروع ڪيائين. سندس شاعري سنڌيءَ، اردوءَ، سرائيڪيءَ ۽ فارسيءَ ۾ آهي. 5 جولاءِ 1962ع تي وفات ڪيائين. سندس مزار تي هر سال 21 محرم تي ميلو لڳندو آهي
1906.00.00 عيسوي
انور علي شاهه: سيد انور علي شاهه 1906ع ڌاري ڳوٺ جهانپور شريف تعلقي گهوٽڪيءَ ، ضلعي سکر ۾ ڄائو
1962.07.05 عيسوي
انور علي شاهه 5 جولاءِ 1962ع تي وفات ڪئي