انور فگار هڪڙو
انور فگار هڪڙو
انور فگار هڪڙو: نوجوان اديب، شاعر، محقق ۽ نقاد ڊاڪٽر انور فگار هڪڙي جو اصل نالو محمد انور محمد صديق هڪڙو آهي. هن پهرين اپريل 1961ع تي شڪارپور ۾ جنم ورتو. پرائمري، ثانوي ۽ اعليٰ ثانوي تعليم شڪارپور مان حاصل ڪرڻ کان پوءِ. ايم. اي (سنڌي) ۽ پي. ايڇ. ڊي شاهه عبداللطيف يونيورسٽي خيرپور مان ڪيائين. سندس پي. ايڇ. ڊيءَ جو موضوع ”شڪارپور شهر جو سنڌي ادب ۾ حصو“ هو. هن وقت سنڌ يونيورسٽي ڄام شوري جي سنڌي شعبي ۾ اُستاد آهي. انور فگار هڪڙي، سنڌي جديد شاعريءَ جي اهم نامور شاعر کيئلداس ”فاني“ جي شاعري وڏي تحقيق بعد گڏ ڪري ڪتابي صورت ۾ ترتيب ڏني، جيڪو سنڌي ادبي بورڊ ڄام شوري پاران 1995ع ۾ ڇپجي پڌرو ٿيو آهي. ان کان سواءِ انور فگار هڪڙي، ڊاڪٽر عمر بن محمد دائودپوٽي جي ٻوليءَ ۽ ادب بابت ترتيب ڏنل مضمونن جو هڪ مجموعو ”سون برابر سڳڙا“ سنڌي لئنگئيج اٿارٽيءَ پاران 1997ع ۾ ڇپايو آهي. انور فگار هڪڙي، شيخ اياز جي ڪهاڻين کي ”تند برابر توريان'>جي تند برابر توريان“ جي عنوان سان ترتيب ڏنو آهي، جيڪو ڪتاب سنڌي ادبي اڪيڊمي ڪراچيءَ 1998ع ۾ ڇپائي پڌرو ڪيو ۽ اياز جي سوانح ۽ شاعريءَ بابت سندس تحقيقي ڪتاب ”جنم جي جيت اياز'>جنم جنم جي جيت اياز“ 1999ع ۾ گنج بخش ڪتاب گهر حيدرآباد پاران ڇپجي پڌرو ٿيو آهي. انور فگار هڪڙي جا علمي، ادبي ۽ تحقيقي مصمون وقت به وقت سنڌ جي ادبي ۽ عليم رسالن ۾ ڇپجندا رهن ٿا. هن وقت به هو ڪيترن موضوعن تي تحقيقي ڪم ڪري رهيو آهي.
لفظ انور فگار هڪڙوھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1961.04.01 عيسوي
انور فگار هڪڙو: نوجوان اديب ، شاعر ، محقق ۽ نقاد ڊاڪٽر انور فگار هڪڙي جو اصل نالو محمد انور محمد صديق هڪڙو آهي . هن پهرين اپريل 1961ع تي شڪارپور ۾ جنم ورتو
شخصيتون - ڀاڱي جون ٻِيون داخلائون
سعدالله شيخالهبچايو مرڻاس
چوڌري شجاعت حسين
مير علي مراد خان ٽالپر
الهه بخش سگهڙ 1
سيد منچر شاهه
پليجو غلام قادر
اياز شاهه
امر رائيسنگهه راجپوت
ٿامس ايڊيسن