اڪبر بجير ٿري

اڪبر بجير ٿري: شاعر ۽ ليکڪ حاجي محمد اڪبر ولد کينئرو بجير 15 جولاءِ 1947ع تي، ڳوٺ واگهي بجير، تعلقي، ننگرپارڪر، ضلعي مٺيءَ ۾ پيدا ٿيو. مڊل اسڪول حاجي سعيد خان لغاري (تعلقو ڪوٽ غلام محمد) مان ڇھه درجا تعليم حاصل ڪئي. غربت سبب وڌيڪ پڙهي نه سگهيو ۽ والدين سان گڏ بئراجي علائقن ۾ مزدوري ڪرڻ لڳو. 1969ع ڌاري پوليس کاتي ۾ سپاهي ڀرتي ٿيو، جتي ترقي ماڻي محرر، هيڊ محرر ۽ پوءِ صوبيدار ٿيو، جتان 2004ع ۾ رٽائرڊ ٿيو. نوڪري دوران ’ڪوجهو ڪانسٽيبل‘ جي نالي سان مشھور ٿيو. نوڪري جي شروعات کان ئي شاعري طرف سندس لاڙو ٿيو ۽ يادگيريون به لکندو رهيو. سندس ٻه ڪتاب ’حرف نه ڄاڻان هيڪڙو‘ (آتم ڪٿا، ڀاڱو پھريون، 2018ع) ۽ ’ڪتيندي ڪنبيا‘ (شاعري، 2018ع) ڇپجي چڪا آهن.

داخلا ۾ استعمال ٿيل تاريخون

1947.07.15  عيسوي

شاعر ۽ ليکڪ حاجي محمد اڪبر ولد کينئرو بجير 15 جولاءِ 1947ع تي، ڳوٺ واگهي بجير، تعلقي، ننگرپارڪر، ضلعي مٺيءَ ۾ پيدا ٿيو.

شاعر - ڀاڱي جون ٻِيون داخلائون