بختاور ڀٽو زرداري

بختاور ڀٽو زرداري ۽ آصفه ڀٽو زرداري پنهنجي ماءُ بينظير ڀٽو جي تصوير سان

بختاور ۽ آصفه زيبسٽ ۾ ڪنهن تقريب ۾

شهيد محترمه بينظير ڀٽو پنهنجن ٻارن بلاول، آصفه، ۽ بختاور سان گڏ

بختاور ڀٽو زرداري: پاڪستان جي اڳوڻي وزيراعظم شهيد بينظير ڀٽو جي وڏي نياڻي بختاور جو جنم 25 جنوري 1990ع ۾ ٿيو، هوءَ بلاول ڀٽو زرداريءَ کان ننڍي ۽ آصفه ڀٽو زرداريءَ کان عمر ۾ وڏي آهي. هن وقت اسڪاٽ لينڊ جي مشهور يونيورسٽي ’ايڊنبرگ‘ ۾ زير تعليم آهي. هوءَ پاڪستان پيپلز پارٽيءَ جي عورتن واري ونگ جي اڳواڻ پڻ آهي، ان حوالي سان هن جي والد آصف علي زرداريءَ، پاڪستان جي صدر چونڊجڻ بعد سندس وڌيڪ همت افزائي ڪئي. بختاور پنهنجي والده جي شهادت وقت پاڪستان آئي هئي. ان کان پوءِ هن جو پنهنجي وطن ڏانهن اچ وڃ جو سلسلو جاري آهي. تازو هن شهيد ماءُ جي ڏک ۾ پنهنجي انگريزيءَ ۾ ڪيل شاعريءَ کي جديد موسيقيءَ ۾ پاڻ ڳائي، کيس خراج پيش ڪيو آهي، ان گيت کي تمام گهڻو ساراهيو ويو، جنهن جو عنوان آهي ”I would take the pain away...’...“ هيءُ گيت 6 جنوري 2009ع تي رليز ٿيو. سندس وڏو ڀاءُ بلاول ڀٽو زرداري، پاڪستان پيپلز پارٽيءَ جو چيئرمئن آهي.

داخلا ۾ استعمال ٿيل تاريخون

1990.01.25  عيسوي

پاڪستان جي اڳوڻي وزيراعظم شهيد بينظير ڀٽو جي وڏي نياڻي بختاور جو جنم 25 جنوري 1990ع ۾ ٿيو.

2009.01.06  عيسوي

تازو هن شهيد ماءُ جي ڏک ۾ پنهنجي انگريزيءَ ۾ ڪيل شاعريءَ کي جديد موسيقيءَ ۾ پاڻ ڳائي ، کيس خراج پيش ڪيو آهي ، ان گيت کي تمام گهڻو ساراهيو ويو ، جنهن جو عنوان آهي ” I would take the pain away . . . ’ . . . “ هيءُ گيت 6 جنوري 2009ع تي رليز ٿيو

شخصيتون - ڀاڱي جون ٻِيون داخلائون