برجيٽ آلچن

برجيٽ آلچن

برجيٽ آلچن

برجيٽ آلچن: ڏکڻ ايشيا جي قديم آثارن جي نامياري ماهر ، علم بشريات جي ڄاڻو ۽ قديم آثارن جي مشھور محقق فرينڪ ريمنڊ آلچن جي گهر واري برجيٽ آلچن جو جنم 1927ع ڌاري آڪسفورڊ ۾ ٿيو . هن ابتدائي تعليم لنڊن مان حاصل ڪئي ، ٻي مهاڀاري جنگ جي اختتام جي سال بعد پنھنجي خاندان سان گڏ ڏکڻ آفريقه جي علائقي ڪيپ ٽائون ۾ مستقل رهائش اختيار ڪيائين ۽ پنھنجي تعليم جو سلسلو ٻيهر شروع ڪيائين . کيس ، ننڍپڻ کان ئي آثارِ قديمہ جي موضوع سان دلچسپي هئي ، جنهن تحت هن لنڊن يونيورسٽي مان علم بشريات جي شعبي ۾ پهريان ايم . اي ۽ پوءِ پي . ايڇ . ڊي جي سند ۽ ان سان گڏ ايف . ايس . اي جي ڊگري حاصل ڪئي .
هن پنھنجي عملي ڪم جو آغاز هندستان جي اوائلي تاريخ ۽ نسل نگاري جي مختلف پهلوئن تي تحقيق سان ڪيو . 1968ع ۾ برطانوي آثارِ قديمہ پاران پاڪستان جي قديم آثارن تي کوجنا جي هڪ رٿا تحت تحقيقي ڪم جي سربراھہ مقرر ٿي ، جڏهن تہ ساڳئي رٿا ۾ سندس گهر وارو ريمند آلچن بہ گڏيل سربراھہ طور شامل رهيو . هن پاڪستان ۽ هندستان ۾ آثارِ قديمہ جي ادارن ۽ شاخن کي قائم ڪرڻ ۽ سڌارڻ ۾ تمام گهڻي مدد ڪئي . ان کان علاوہ ، پاڻ ڪيمبرج ۾ قائم وولفسن ڪاليج جي سهڪاري ، قديم هندستان ۽ ايران جي قائم ڪيل ٽرسٽ جي سيڪريٽري ، ( Aouth Asian Studies ) رسالي جي ايڊيٽر ۽ ڏکڻ ايشيا تي تحقيق ڪندڙ آثارِ قديمہ جي ماهرن تي مشتمل يورپين ايسوسيئيشن جي سيڪريٽري جنرل طور پنهنجا فرض سرانجام ڏيندي رهي . هن هندستان ۾ رهي برودا يونيورسٽي جي هڪ رٿا موجب ماضي ۽ جديد دؤر ۾ آيل ماحولياتي تبديلين جو جائزو ورتو . ان تحقيق دوران سندس ٻين ساٿين ۾ آڪسفورڊ يونيورسٽي سان تعلق رکندڙ ٿر جي ارضي بناوٽ ( Desert Geomorphology ) جو اڀياس ڪندڙ ماهر اينڊريو گوڊي ۽ معدنيات جو سائنسي ماهر پڻ شامل هئا . ڊاڪٽر برجيت آثارِ قديمہ جي حوالي سان جن ملڪن تي تحقيق ڪئي ، انهن ۾ پاڪستان ۽ سريلنڪا سرفهرست آهن . جڏهن تہ وچ ايشيا ۽ افغانستان جا بہ ڪجهہ علائقا سندس تحقيق ۾ شامل رهيا . هن پنھنجي تحقيق ۾ پاهڻي دؤر ، پٿر جي وچئين دؤر
( Mesolithic Period ) ۽ پٿر جي قديم دؤر ( Paleolithic Period ) جي آثارن تي وسيع پيماني تي کوجنا ڪندي مڪمل ڪوائف سامهون آندا.پاڻ مختلف وقتن ۾ پنھنجي گهر واري ريمنڊ آلچن جي هندستان جي قديم آثارن تي تحقيق دوران ڀرپور حصو وٺندي رهي . سندن گڏيل تحقيقي ڪم The Birth of Indian Civilization ۽ The Rise of Civilization in India & Pakistan جي نالن سان ڪتابي صورت ۾ ڇپيل آهن . برجيت آلچن جي خيال مطابق ننڍي کنڊ ۾ موجود آثارِ قديمہ جا ماڳ قديم آثاريات جي اڀياس لاءِ موزون جڳھہ آهن . ان کان علاوہ قديم آثارن ۽ موروثي سلسلي جي نوادرات جي قومي سطح تي سار سنڀال ۽ حفاظتي اپاءَ وٺڻ ۾ سندس ڪردار اهميت جوڳو رهيو آهي . ريمنڊ آلچن سان گڏيل طور ڇپيل ڪتابن کان علاوہ هن پنھنجي تحقيق جي آڌار تي بہ ڪي ڪتاب بہ لکيا ، جيڪي هن ريت آهن:
The Stone Tripped Arrow.
The Prehsitoric and Palaeogeography of The Great Indian Desert.

لفظ برجيٽ آلچنھيٺين داخلائن ۾ پڻ استعمال ٿيل آھي
برجيٽ آلچن
ڊاڪٽر ريمنڊ آلچن
هن صفحي کي شيئر ڪريو

داخلا ۾ استعمال ٿيل تاريخون

1927.00.00  عيسوي

برجيٽ آلچن جو جنم 1927ع ڌاري آڪسفورڊ ۾ ٿيو.


شخصيتون - ڀاڱي جون ٻِيون داخلائون

گل بيگ ٽنگڙي
اسلم آزاد ڊاڪٽر
حاجي محمد پيرازدو
روشن عطا
چَرڪ
رسول بخش خان مغل
محمد پريل بيدار مڱريو
ابوالفضل
محمد قاسم ميرجت
استاد ڪرم حسين
شخصيتون ڀاڱي جا وڌيڪ مضمون