بزم ادب حيدرآباد: هن بزم جو بنياد محمد اسماعيل ”طالب الموليٰ“ ۽ سندس عزيز شھمير خان ”شھمير“، ٽنڊي ولي محمد حيدرآباد ۾ وڌو. هن بزم جو صدر ۽ سرپرست سيد اسدالله شاھہ ”فدا“ ٽکڙائي هو. هن بزم ۾ جيڪي شاعر شريڪ ٿيندا هئا، تن ۾ اسدالله شاھہ. ”فدا“، محمد هاشم ”مخلص“، محمد اسماعيل ”طالب الموليٰ“، شھمير خان ”شھمير“، محمد بخش ”واصف“، ماستر پير بخش ”پير“، محمد صديق ”مسافر“، مرزا مدد علي بيگ ”مدد“، حافظ قمرالدين، ماستر خير محمد ”احقر“، اداسي، مستان ۽ شائق وغيرہ جا نالا ذڪر لائق آهن .