سيد بقادار شاهه

بقادار شاهه سيد: سيد بقادار شاهه، 3 ربيع الثاني 1310هه /1893ع ۾ مٽياريءَ ۾ ڄائو. تن ڏينهن ۾ اسڪولن جو واهپو گهٽ هو. هن بنيادي تعليم ۽ ڪلام پاڪ جي تعليم استاد پير بخش ميمڻ وٽان حاصل ڪئي. پهرين شادي 1914ع ۾ ٻي شادي 1938ع ۾ ڪئي. هو سنڌ اسيمبليءَ جو ميمبر پڻ رهيو. ان دور ۾ هن مٽياريءَ ۾ ترقياتي ڪم ڪرايا. رستا ۽ اسڪول منظور ڪرايائين. هو ضلعي لوڪل بورڊ حيدرآباد جو چيئرمين پڻ چونڊيو، تن ڏينهن ۾ سنڌ جو وڏو وزير خانبهادر محمد ايوب کهڙو هو. هن کانئس ضلعي لوڪل بورڊ جي بجيٽ ۾ به اضافو ڪرايو. ڀٽي خاندان سان سندس ويجها ناتا رهيا. جڏهن ذوالفقار علي ڀُٽي پيپلز پارٽي ٺاهي ته هن سندس مان ۾ آجياڻو ڏنو. مٽيارين جو اڳوڻو ايم پي اي پير نور شاهه سندس پٽ ۽ هاڻوڪو ايم پي اي پير امير شاهه سندس پوٽو آهي. هو 20 اپريل 1975ع تي 84 سالن جي ڄمار ۾ وفات ڪري ويو. سندس تدفين مٽياريءَ ۾ ڪئي وئي .

داخلا ۾ استعمال ٿيل تاريخون

1893.00.00  عيسوي

سيد بقادار شاهه، 1893ع ڌاري مٽياريءَ ۾ ڄائو.

1975.04.20  عيسوي

سيد بقادار شاهه، 20 اپريل 1975ع تي وفات ڪئي.

سياستدان - ڀاڱي جون ٻِيون داخلائون