بهادر ٽالپر
بهادر ٽالپر
بهادر ٽالپر: شاعر ۽ اديب مير بهادر ٽالپر، 2 جولاءِ 1966ع تي ڳوٺ ڇتو ماندراڻي، تعلقي ماتلي، ضلعي بدين ۾ ڄائو. سندس والد مبارڪ خان ٽالپر به وقت جو سٺو شاعر هو. مير بهادر ابتدائي تعليم ڳوٺ مان ورتي، ڊگهڙي هاءِ اسڪول مان مئٽرڪ، انٽر ۽ ايم. اي ماتليءَ جي ڊگري ڪاليج مان پاس ڪيائين. هن اسڪائوٽنگ ۽ ٽائپنگ جو ڪورس به ڪيو. هن 1994ع کان لکڻ جو آغاز ڪيو ۽ مختلف رسالن ۽ اخبارن ۾ لکندو رهيو آهي. هن ڳوٺ ۾سنڌي ادبي سنگت جي شاخ قائم ڪئي، جنهن جو ڪيترا ڀيرا سيڪريٽري به رهي چڪو آهي. 2010ع وارين چونڊن ۾ هيءُ سنڌي ادبي سنگت ضلعي بدين جو رابطا سيڪريٽري به چونڊيو ويو. پيشي جي لحاظ کان استاد آهي. هن ڳوٺ ۾ نوجوانن لاءِ ’مير مبارڪ ٽالپر آرٽ ۽ ڪلچرل ڪلب‘ قائم ڪيو آهي. ادبي سنگت جي شاخ طرفان هن سلسليوار ’ڪائنات‘ پبليڪيشن جا 13 پرچا شايع ڪرايا. سندس ڪهاڻين جا مجموعا ’زندگيءَ جو رستو‘ (2008ع) ۽ ’سوچن جي سانوڻيءَ ۾‘ (2015ع) شايع ٿيل آهن. ان کانسواءِ پنهنجي والد مير مبارڪ ٽالپر جو شعري مجموعو ’سرواڻ سويري ويا‘ ترتيب ڏنو اٿس.
لفظ بهادر ٽالپرھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1966.07.02 عيسوي
شاعر ۽ اديب مير بهادر ٽالپر، 2 جولاءِ 1966ع تي ڳوٺ ڇتو ماندراڻي، ضلعي بدين ۾ ڄائو.
اديب - ڀاڱي جون ٻِيون داخلائون
عبدالڪريم ٻگهيوحاجيرحمت الله ماڃوٺي
چترو ناگپال
ناز سنائي
شاهه بليغ الدين
الياس سيتا پوري
ڌڻي بخش مگسي
غلام حسين مشتاق سچاروي
جوڻيجو عبدالقادر
انيس گل عباسي