بودلو بھار: سيوهڻ جو مشھور درويش ۽ قلندر لال شھباز جو خاص خدمتگار، مخدوم بودلو سڪندر عرف ”بودلو بھار“. اصل ملتان جو ويٺل هو. سندس جنم 202ھہ/ 817ع ڌاري اچ شريف (ملتان) ۾ ٿيو. ننڍپڻ کان ئي صوفي بزرگن جي صحبت نصيب ٿيس. ڦوھہ جوانيءَ ۾ سيوهڻ شريف آيو. شروعات ۾ ديني درس ڏيندو هو، پر پوءِ دنيا جا لڳ لاڳاپا لاهي روحاني رهبر جو متلاشي ٿي ويو. انهيءَ ڪيفيت ۾ اڪثر اگهاڙو رهندو هو. آخر کيس قلندر شھباز جي صحبت نصيب ٿي. پاڻ قلندر جي پيارن طالبن مان هو ۽ سڄي عمر شادي نہ ڪيائين ۽ مجرد رهيو. روايت آهي تہ هنود ڪاسائيءَ هن درويش کي ڪھي ڇڏيو هو. سندس مزار سيوهڻ ۾ قلعي لڳ قلندر جي مزار کان اتر طرف آهي. سيوهڻ ۾ سندس نالي پٺيان ”بودلي جي ڪافي“ بہ آهي. بودلي جي شخصيت کان متاثر فقير ۽ سندس مريد ڳاڙهو ويس ڍڪيندا آهن ۽ هر روز پيرن ۾ گهنگهرو ٻڌي ڌمال ڪندا آهن.
0202.00.00 هجري
بودلو بهار: سيوهڻ جو مشهور درويش ۽ قلندر لال شهباز جو خاص خدمتگار ، مخدوم بودلو سڪندر عرف ” بودلو بهار “ . اصل ملتان جو ويٺل هو . سندس جنم 202هه/ 817ع ڌاري اچ شريف ( ملتان ) ۾ ٿيو .
0817.00.00 عيسوي
بودلو بهار: سيوهڻ جو مشهور درويش ۽ قلندر لال شهباز جو خاص خدمتگار ، مخدوم بودلو سڪندر عرف ” بودلو بهار “ . اصل ملتان جو ويٺل هو . سندس جنم 202هه/ 817ع ڌاري اچ شريف ( ملتان ) ۾ ٿيو .