بچارام ليلارام ليڏواڻي: هي بي. رام. سنڌوءَ جي ادبي نالي سان متعارف هو. سندس تعليم ايم. اي. ايل. ايل. ايم ۽ اي. ايف. آءِ. آءِ هئي. 31 جنوري 1938ع تي، سکر ۾ ڄائو. پاڻ ڪيترن ڪتابن جو ليکڪ، هدايتڪار ۽ ڪهاڻيڪار رهيو آهي. وسيع تجربو هئس. سندس ڇپيل ڪتاب: ’نيستردان‘، ’بدني نقص ۽ انهن جو علاج‘، ’ٻار ۽ انهن جو علاج‘، ’شرم دان‘ ۽ ’ٻال مندر‘ آهن. ڪيترن ئي ڪتابن جو ترجمو ڪيل اٿس، جن ۾ ’آئيندہ جا ابا‘ ۽ ’ٻال مندرن جي سکيا جي اهميت‘ مشھور آهن. جڏهن تہ ڪجهہ ڪتابن جو مرتب پڻ رهيو آهي. جھڙوڪ: ’ٻاچوشتڪ‘ ۽ ’ڀارت ۾ سنڌي ڌرمشالائون‘. سال 1948ع ۽ 1958ع واري دؤر ۾ ايڪانڪي ناٽڪن ۾ اداڪار ۽ هدايتڪار جي حيثيت ۾ ڪم ڪيل اٿس، ڪيترين ئي اخبارن ۽ مئگزينن جھڙوڪ: ”نيو ماڊل هاءِ اسڪول مئگزين“، ”راشٽريه سيوڪ“، ”سنڌو پرديپ دسيرا“، ”سماج ڪلياڻ“ ۽ ”جيون جوت“ ساليانن رسالن جو ايڊيٽر ٿي رهيو آهي. پاڻ ممبئيءَ ۾ رهندو هو، ٽي چار سال ٿيا آهن، گذاري ويو آهي.
1938.01.31 عيسوي
بچارام ليلارام ليڏواڻي: هي بي . رام . سنڌوءَ جي ادبي نالي سان متعارف هو . سندس تعليم ايم . اي . ايل . ايل . ايم ۽ اي . ايف . آءِ . آءِ هئي . 31 جنوري 1938ع تي ، سکر ۾ ڄائو