بھار علي ”بھار“: جيڪب آباد جو مشھور سگهڙ بھار علي ”بھار“ ٻرڙو ولد وزيراحمد ٻرڙو، 3 فيبروري 1965ع تي ڳوٺ ميرپور ٻُرڙي، تعلقي ٺل ۾ ڄائو. زميندار گهراڻي سان سندس تعلق آهي. مئٽرڪ تائين تعليم ورتائين. سندس تخلص ”بھار“ آهي. سُگهڙپائيءَ جي سڀني صنفن ۾ مهارت اٿس. ڊاڪٽر نبي بخش خان بلوچ جي ڪتاب ”سينگار شاعريءَ“ ۾ سندس شاعري ۽ ذڪر شامل آهي. سنڌ سگهڙ سالڪ ويلفيئر ائسوسيئيشن جو مرڪزي صدر پڻ رهيو آهي. سنڌ جي ڪيترن ئي رسالن ۾ سندس ڪلام ڇپجندو رهي ٿو. هارس ائنڊ ڪئٽل شو جيڪب آباد جي موقعي تي سگهڙپائيءَ جي خدمت عيوض کيس مڃتا جو سرٽيفڪيٽ ڏنو ويو.
1965.02.03 عيسوي
بهار علي ” بهار “ : جيڪب آباد جو مشهور سگهڙ بهار علي ” بهار “ ٻرڙو ولد وزيراحمد ٻرڙو ، 3 فيبروري 1965ع تي ڳوٺ ميرپور ٻُرڙي ، تعلقي ٺل ۾ ڄائو .