شاعر تابش بخاري

تابش بخاري: مشھور شاعر تابش بخاريءَ جو اصل نالو سيد غلام شبير شاهه ولد سيد رسول بخش شاهه آهي. سندس جنم 12 جولاءِ 1965ع تي ڳوٺ شير محمد ڏاوڇ، تعلقي ۽ ضلعي دادوءَ ۾ ٿيو. سندس تعليم ايم.اي (اسلامڪ ڪلچر) ۽ ايم. ايڊ آهي. هن وقت گورنمينٽ هاءِ اسڪول طالب الموليٰ دادوءَ ۾ (H.S.T) طور ڪم ڪري رهيو آهي. هن 1989ع کان ٻارن لاءِ شاعري لکڻ شروع ڪئي. بعد ۾ غزل، چؤسٽن، حمد ۽ نعت جي صنفن ۾ به طبع آزمائي ڪئي. سندس شاعري منظور سخيراڻي، ٻالڪ سنڌي، حيدر علي، شبير شاهاڻي ۽ ٻين فنڪارن ڳائي آهي. استاد بخاري اڪيڊمي دادوءَ جو ميمبر، سنڌي ادبي سنگت دادوءَ جو سيڪريٽري ۽ سگا شاخ دادوءَ جو اطلاعات سيڪريٽري رهي چڪو آهي. ايف. ايم 99 دادوءَ جو انائونسر به آهي. سندس شاعريءَ جو ڪتاب ”منھنجا شعر- منھنجون تصويرون“2010ع ۾ شايع ٿيو. ادبي مڃتا طور کيس استاد بخاري اڪيڊميءَ طرفان بھترين ورڪر جو اوارڊ، شھيد عادل سخيراڻي اوارڊ ۽ استاد صالح ساند اوارڊ مليل آهن.

داخلا ۾ استعمال ٿيل تاريخون

1965.07.12  عيسوي

تابش بخاري 12 جولاءِ 1965ع تي ڳوٺ شير محمد ڏاوڇ ، تعلقي دادوءَ ۾ پيدا ٿيو

شاعر - ڀاڱي جون ٻِيون داخلائون