تاريخ جا وساريل ورق (ڪتاب ):ڪامريڊ سوڀي گيانچنداڻيءَ جي اخباري ڪالمن جو مجموعو ”تاريخ جا وساريل ورق“ سنڌي ساهت گهر، حيدرآباد سنڌ پاران، سيپٽمبر 1992ع ۾ ڇپجي پڌرو ٿيو. ڊيمي سائيز جي 120 صفحن واري هن ڪتاب جي قيمت 45 رپيا آهي. ڪتاب جو مهاڳ انور پيرزادي جو لکيل آهي. هن ڪتاب ۾ ڪامريڊ سوڀي جا 27 ڪالم آهن، جن ۾ سنڌ ۽ پاڪستان جي سياسي تاريخ جي ڪيترن ڪردارن ۽ تحريڪن جي ذڪر سان گڏ سوشلزم ۽ ڪميونزم جي آئيندي، ٻـن مهــاڀــاري لــڙايـن، عـراق ۽ نار واري جنــگ، فـلسطين جي سرزمين تي يهــودي رياست جي قيام سميت ڪيترن عالمي واقعن تي روشـنــي وڌل آهي.