تلسي ناياڻي: تلسي ناياڻيءَ جي سڃاڻپ گائڪ، اداڪار ۽ هدايت ڪار طور آهي. هن جو جنم 15 آگسٽ 1938ع تي، ضلعي نوشهري فيروز جي موري شھر ۾ ٿيو. هن وقت جئپور، (ڀارت) ۾ رهندڙ آهي. سندس تعليم بي. اي آهي. هن 40 کان مٿي اسٽيج ۽ ريڊيو ناٽڪن، جھڙوڪ: ’اڌ مسواڙي‘، ’هڪ ڏينهن جي موڪل‘، ’شڪ جو شڪار‘، ’سفر جا ساٿي‘ ۽ ’جوءِ کپي‘ (اسٽيج ناٽڪ)، ’دائري کان ٻاهر‘، ’مريادا‘، ’ليلا چنيسر‘، ’ڪنهن سان سليان سُور‘ ۽ ’اسٽيل جي ٿالهي‘ (ريڊيو ناٽڪ) وغيرہ ۾ اداڪاري ۽ هدايتڪاري ڪئي آهي. گائڪ جي حيثيت ۾ جدا جدا شهرن ۾ پيش ڪيل سنگيت پروگرامن ۾ حصو ورتو آهي. آل انڊيا ريڊيو ۽ ٽي ويءَ تي اداڪار توڙي گائڪ طور مظاهرو ڪندو رهندو آهي. سنڌو ويلفيئر سوسائٽي، جئپور جو سيڪريٽري ٿي رهيو آهي ۽ هن وقت ايم- سي. سنڌي پئنچايت هاير سيڪنڊري اسڪول، جئپور، جي ڪاروباري ڪاميٽيءَ جو ميمبر آهي .
1938.08.15 عيسوي
تلسي ناياڻي جو جنم 15 آگسٽ 1938ع تي ، ضلعي نوشهري فيروز جي موري شهر ۾ ٿيو .