جاويد هاشمي
جاويد هاشمي
جاويد هاشمي: سينيئر سياستدان مخدوم جاويد هاشمي، 1 جنوري 1948ع تي ملتان ۾ ڄائو. هن پنجاب يونيورسٽيءَ مان پوليٽيڪل سائنس ۽ فلسفي ۾ ماسٽرس ڪئي. شاگرد يونين ۽ يونيورسٽي ڪائونسل ۾ سرگرم رهندي، اڳواڻيءَ جا گُر سکيا. 1985ع کان باقاعدہ عملي سياست شروع ڪيائين. 1985ع کان 1988ع؛ 1990ع کان 1993ع؛ 1993ع کان 1997ع ۽ 1997ع کان آڪٽوبر 1999ع تائين مسلسل پنھنجي تڪ تان قومي اسيمبليءَ جو ميمبر چونڊبو رهيو. مسلم ليگ (نواز) سان پراڻو ناتو اٿس. نوازشريف جي ٻئي دور حڪومت ۾ مخدوم جاويد هاشمي 1997ع کان 1999ع تائين صحت جو وفاقي وزير رهيو. ان کان اڳ نوجوانن واري وزارت تي بہ رهيو. آڪٽوبر 1999ع ۾ جڏهن جنرل پرويز مشرف اقتدار تي قبضو ڪيو تہ نوازشريف خاندان سميت ملڪ بدر ٿيو ۽ ن ليگ جي سينيئر اڳواڻن کي عتاب ڀوڳڻو پوي، جاويد هاشميءَ کي بہ 2003ع ڌاري گرفتار ڪري مٿس ڪيس هلايا ويا ۽ تشدد بہ ٿيو. ڪيترن مهينن بعد آزاد ٿيو.
2008ع وارين عام چونڊن ۾ هن چئن تڪن تان چونڊ وڙهي، جن مان ملتان جا ٻہ تڪ ۽ ٻيا لاهور ۽ راولپنڊيءَ جا هئا. هي ٽن تڪن تي ڪامياب ٿيو، پر ملتان واري تڪ تي پ پ اڳواڻ مخدوم شاھہ محمود قريشيءَ کي سوڀ حاصل ٿي. هن جو شمار سينيئر ۽ سنجيدہ سياستدانن ۾ ٿئي ٿو. جولاءِ 2010ع ڌاري مٿس دماغي فالج جو حملو ٿيو، پر علاج بعد طبيعت بهتر ٿيس. مخدوم جاويد هاشمي اصولي سياست ۾ يقين رکي ٿو.
لفظ جاويد هاشميھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1948.01.01 عيسوي
جاويد هاشمي: سينيئر سياستدان مخدوم جاويد هاشمي ، 1 جنوري 1948ع تي ملتان ۾ ڄائو
سياستدان - ڀاڱي جون ٻِيون داخلائون
آغا شاهيامام علي نازش ڪامريڊ
بينظير ڀٽو شھيد
امداد علي اعواڻ
ايشور داس
بلاول ڀٽو زرداري
جاويد هاشمي
ارباب غلام رحيم
آغا تيمور خان پٺاڻ
ايوب کهڙو