جسڪاڻي محمد مٺل

جسڪاڻي، محمد مٺل: ليکڪ محمد مٺل جسڪاڻيءَ جو جنم، 15 جنوري 1961ع ۾ڳوٺ ٽئونر جسڪاڻي، ضلعي حيدرآباد ۾ ٿيو. سنڌ زرعي يونيورسٽي ٽنڊي ڄام مان پلانٽ پيٿالاجيءَ ۾ ايم. ايس. سي ڪيائين، اتي ئي 1984ع تائين کُنڀين جي هٿرادو پوک متعارف ڪرائڻ واري پهرئين تحقيقاتي پروجيڪٽ ۾ ريسرچ آفيسر مقرر ٿيو، 1989ع کان باغبانيءَ واري تحـقـيـقـاتـي اداري مـيـرپـورخـاص ۾ اسسٽنٽ پلانٽ پيٿالاجسٽ ۽ 1994ع کان زرعي تحقيقاتي اداري ٽنڊي ڄام ۾ اسسٽنٽ ريسرچ آفيسر طور ڪم ڪري رهيو آهي. هيءُ هڪ ليکڪ جي حيثيت سان زرعي معلوماتي مضمون به لکندو رهي ٿو، هن جا زرعي ۽ ادبي موضوعن تي 100 کان وڌيڪ مضمون مختلف اخبارن ۽ رسالن ۾ شايع ٿيل آهن. هيءُ ماهوار ’جديد زرعي کوجنا‘ جو ايڊيٽر آهي .

داخلا ۾ استعمال ٿيل تاريخون

1961.01.15  عيسوي

مٺل جسڪاڻيءَ جو جنم ، 15 جنوري 1961ع ۾ڳوٺ ٽئونر جسڪاڻي ، ضلعي حيدرآباد ۾ ٿيو .

شخصيتون - ڀاڱي جون ٻِيون داخلائون