جهڏير شاخ: جهڏير شاخ پٽ فيڊر جي کاٻي پاسي آر. ڊي- 418 کان نڪري ٿي، جنهن جي ڊيگهه اٽڪل 22 ميل آهي. ان جو آخري حصو اڳوڻي ڦٽل شهر نصيرآباد جي ڀرسان آهي، جيڪو هاڻوڪي شهر جهٽ پٽ کان ٽي ميل اتر طرف آهي. هن شاخ تي جهڏير نالو انهيءَ ڪري پيو آهي، جو ڪوئيٽا، جيڪب آباد روڊ جي ڀرسان، منگولي ريلوي اسٽيشن جي سامهون ڏکڻ طرف، قديم زماني جو ڦٽل ’جهڏير جو دڙو‘ موجود آهي. جهڏير شاخ مان هڪ ٻي شاخ ’ٽيمپل ديرو شاخ‘ جي نالي سان نڪري ٿي، جنهن جي ڊيگهه 20 ميل کن ٿيندي.