جي ايم سيد ۽ انقلابين جي صدي

جي. ايم.سيد ۽ انقلابين جي صدي (ڪتاب): هيءُ ڪتاب سنڌ جي نامياري ليکڪ ۽ پاڪستان اسٽڊي سينٽر، سنڌ يونيورسٽيءَ جي اڳوڻي پروفيسر لعل بخش جسڪاڻيءَ لکيو آهي. هن ڪتاب ۾ سائين جي. ايم. سيد جي علمي، ادبي سياسي، سماجي ۽ ثقافتي جدوجھد جو تجزيو ڪيو ويو آهي. ان کانسواءِ مختلف شخصيتن سان جي ايم سيد جي تعلقاتن جو ذڪر بہ ڪيو ويو آهي، جن ۾: ’جي. ايم. سيد ۽ جناح صاحب‘، ’جي. ايم. سيد ۽ الھہ بخش سومرو‘ جي. ايم. سيد ۽ غلام حسين هدايت ﷲ وغيرہ شامل آهن. هن ڪتاب جو آخري حصو جي ايم. سيد. جي سگهاري ڪردار جو تجزيو، جي. ايم. سيد ۽ جديد قومي نظريي جي ڳولا، جي ايم سيد جي شخصيت ۽ فڪر جي تجزيي تي مشتمل آهي. 150 صفحن تي مشتمل ڊيمي سائيز جي هن ڪتاب جي قيمت 120 رپيا آهي. هيءُ ڪتاب گلشن پبليڪيشن ڇپايو آهي.

ڪتاب - ڀاڱي جون ٻِيون داخلائون