ڊاڪٽر حاتم ٽالپر

حاتم ٽالپر، ڊاڪٽر: ڊاڪٽر حاتم ٽالپر ولد محب علي ٽالپر 18 آڪٽوبر 1948ع تي ڳوٺ مھر علي ٽالپر، تعلقي شھدادپور، ضلعي سانگهڙ ۾ ڄائو. ابتدائي تعليم پنھنجي ڳوٺ مان حاصل ڪرڻ کان پوءِ، هن مئٽرڪ ۽ انٽرميڊئيٽ جا امتحان شھدادپور ۽ سانگهڙ مان پاس ڪيا. 1974ع ۾ لياقت ميڊيڪل ڪاليج مان ايم. بي. بي. ايس (MBBS) جي ڊگري حاصل ڪئي ۽ 1976ع ۾ ميڊيڪل آفيسر مقرر ٿيو. سنجهوري، هالا، کپري، ڦُلھڏيون، جيل بدين'>اوپن جيل بدين ۽ نوابشاهه ميڊيڪل ڪاليج ۾ ميڊيڪل آفيسر طور خدمتون انجام ڏيڻ کانپوءِ 2008ع ۾ رٽائرڊ ٿيو. پاڻ اينيسٿيزيا جو ماهر ڊاڪٽر رهيو آهي. ڊاڪٽر حاتم ٽالپر کي علم و ادب ۽ تصوف سان گھرو لڳاءُ رهيو آهي. هن جا ٻه ڪتاب “محب سندا موتي” (فقير محب جي ڪلام جي ترتيب) ۽ “منظوم محمدي” (محمد فقير گهوٽي جي ڪلام جي ترتيب) شايع ٿي چڪا آهن. پاڻ هن وقت حيدرآباد ۾ رهائش پذير آهي.

داخلا ۾ استعمال ٿيل تاريخون

1948.10.18  عيسوي

ڊاڪٽر حاتم ٽالپر ولد محب علي ٽالپر 18 آڪٽوبر 1948ع تي ڳوٺ مھر علي ٽالپر، تعلقي شھدادپور، ضلعي سانگهڙ ۾ ڄائو.

شخصيتون - ڀاڱي جون ٻِيون داخلائون