حاجن ’سائل‘ ميمڻ

حاجن ’سائل‘ ميمڻ: حاجي محمد ’حاجن سائل‘ ولد حاجي عبدالحڪيم ’عاجز‘ ميمڻ 8 اپريل 1945ع تي مٽياري شهر ۾ ڄائو. سندس خاندان پسارڪو ڌنڌو ڪندو آهي، تنهنڪري ’پساري ميمڻ‘ سڏجن ٿا. پنهنجي والد ۽ چاچي کي مولود پڙهندي ڏسي کيس مذهبي شاعري ڪرڻ جو شوق ٿيو. هيءُ نظم توڙي نثر ۾ لکي ٿو. هن جي شاعري رومانوي غزلن ۽ مذهبي موضوع تي آهي. هي پنهنجا ڪتاب ڇپرائي بنا معاوضي جي ورهائي ڇڏيندو آهي. سندس 7 ڪتاب ڇپجي چڪا آهن جن ۾:
(1) نجات جهنم حاصلاتِ بهشت (1969ع)، (2) چاليهه سوکڙيون (1972ع)، (3) حـقيـقـي زندگـي (1995ع)، (4) روزو ۽ بندگي (1996ع)، (5) ســوکــڙيءَ تــي ســوکـڙي (1997ع)، (6) عـملـي زنـدگـي (1998ع) ۽ (7) درودن جو گلدستو (2000ع) شامل آهن. هن وقت مٽياريءَ ۾ رهائش پذير آهي.


هن صفحي کي شيئر ڪريو

داخلا ۾ استعمال ٿيل تاريخون

1945.04.08  عيسوي

حاجي محمد ’حاجن سائل‘ ولد حاجي عبدالحڪيم ’عاجز‘ ميمڻ 8 اپريل 1945ع تي مٽياري شهر ۾ ڄائو.



شاعر - ڀاڱي جون ٻِيون داخلائون

خسته نور محمد
عزيز الله عزيز بروهي
ٻڍل فقير
طالب الموليٰ مخدوم محمد زمان
سعيدالزمان عاطف
ڦتن پُرسواڻي
بشير احمد بشير
صالح فقير گوهري
پلي خليفو محمد امين درس
ايوب فقير آريسر
شاعر ڀاڱي جا وڌيڪ مضمون