حسين شاهه ’شرف‘: ناميارو شاعر سيد شرف حسين ولد همت علي شاهه، 7 فبروري 1924ع تي شڪارپور ۾ ڄائو. هن شڪارپور مان مئٽرڪ تائين تعليم حاصل ڪري 1948ع ڌاري جوڊيشنل ڊپارٽمينٽ ۾ ملازمت اختيار ڪئي. نوڪريءَ دوران سکر، روهڙي، جيڪب آباد، ڳڙهي ياسين ۽ شڪارپور ۾ رهيو ۽ ترقي ڪري سپرينٽينڊنٽ ٿيو. 1984ع ۾ سيشن ڪورٽ شڪارپور مان رٽائر ٿيو. فلمي گيت ٻڌڻ سان کيس شاعريءَ جو شوق جاڳيو. ابتدا ۾ فلمي طرز جا گيت لکيائين، شاعريءَ جي ٻين صنفن تي به طبع آزمائي ڪيائين. خاص طور حمد، نعت، ڪافيون، غزل، گيت، قصيدا ۽ مرثيا لکيائين. شاعريءَ ۾ ’شرف‘ تخلص ڪم آڻيندو هو. سندس ٻه ڪتاب: (1) ’آغاز عشق‘ ۽ (2) ’شان پنجتن‘ شايع ٿيل آهن. ’مهراڻ ادبي سنگت‘ شڪارپور جو باني ميمبر آهي. هيءُ شڪارپور ۾ رهائش پذير آهي.
1924.02.07 عيسوي
ناميارو شاعر سيد شرف حسين ولد همت علي شاهه، 7 فبروري 1924ع تي شڪارپور ۾ ڄائو.