حميره نور
حميره نور
حميره نور: مشهور شاعره، ڪالم نويس ۽ سماجي ورڪر حميره نور جو پورو نالو حميره شمس شيخ آهي. سندس والد پروفيسر شمس شيخ ليکڪ ۽ ترقي پسند خيالن جو مالڪ هو. حميره 21 آڪٽوبر 1969ع تي پني عاقل ۾ جنم ورتو. شروعاتي تعليم پنهنجي شهر مان حاصل ڪيائين، بعد ۾ سوشيالاجيءَ ۾ ماسٽرس ڪري، سماجي تنظيمن (NGOs) ۾ ڪم ڪرڻ لڳي. لکڻ جو آغاز 1991ع کان شاعريءَ جي صورت ۾ ڪيائين. هن وقت تائين 100 کان وڌيڪ ڪالم، ڪهاڻيون ۽ 300 کان مٿي نثري نظم لکي چڪي آهي، جيڪي سنڌ جي مختلف رسالن ۽ اخبارن ۾ شايع ٿيندا رهن ٿا کيس اي. پي. اين. ايس طرفان ٽي ڀيرا بهترين ڪالم نويس جا اوارڊ مليا آهن. حميره نور ترجمي نگار به آهي، سندس تخليقن جو محور عورتن جا حق، سندن جذبا ۽ سماجي نا انصافيءَ خلاف آواز اٿارڻ رهيو آهي. هن سماجي تنظيمن ۾ گهڻو وقت ٿرپارڪر واري خطي ۾ جاڳرتا لاءِ ڪم ڪندي گذاريو آهي. 1999ع ۾ سندس شادي سماجي اڳواڻ نور محمد بجير سان ٿي.
حــميـره نــور جي ڇپيل ڪتابن ۾: (1) ’درد جي خوشبو‘ (شاعري (2) ’زائفان ذات‘ (ڪالم: 2006ع)، ۽ (3) ’تون ۽ مان‘ (شاعري) شامل آهن. حميره نور هن وقت ڪراچيءَ ۾ رهائش پذير آهي.
لفظ حميره نورھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1969.10.21 عيسوي
مشهور شاعره، ڪالم نويس ۽ سماجي ورڪر حميره نور جو پورو نالو حميره شمس شيخ آهي. سندس والد پروفيسر شمس شيخ ليکڪ ۽ ترقي پسند خيالن جو مالڪ هو. حميره 21 آڪٽوبر 1969ع تي پني عاقل ۾ جنم ورتو.
شاعر - ڀاڱي جون ٻِيون داخلائون
صهبا لکنويعثمان فقير سانگي
شاهه عبدالڪريم بلڙيءَ وارو
طالب لغاري
ڀڳوان فتح چند ڀاوناڻي
توڏو مري
جهانگير هاشمي
احمد فراز
فقير عبدالله مسڻ صوفي
شاهه احمد غوري