حنيف رامي

حنيف رامي: پاڪستان جي مشهور سياسي اڳواڻ، صحافي ۽ پاڪستان مساوات پارٽيءَ جي باني حنيف رامي، 15 مارچ 1930ع تي نانڪاڻا صاحب، ضلعي شيخوپوره، پنجاب ۾ جنم ورتو. 1952ع ۾ پنجاب يونيورسٽيءَ مان اقتصاديات ۾ ايم. اي ڪيائين. ڪجهه عرصو لارنس ڪاليج گهوڙا گليءَ ۾ استاد رهيو. 1965ع ۾ مرڪزي اردو بورڊ سان لاڳاپجي ويو، جتان هن استعيفا ڏئي ڇڏي. هن ’نصرت‘ نالي هڪ رسالو جاري ڪيو, جنهن تي پابندي لڳي. ان کانپوءِ هن عملي سياست ۾ حصو وٺڻ شروع ڪيو. هن پيپلز پارٽيءَ ۾ شموليت ڪري ان جي تنظيم ڪاريءَ ۾ اهم ڪردار ادا ڪيو. 1970ع ۾ هن ”مساوات“ اخبار جاري ڪئي. فيبروري 1972ع کان 11 مارچ 1974ع تائين پنجاب جو خزاني جو صوبائي وزير ۽ پوءِ 11 جولاءِ 1975ع تائين پنجاب جو وڏو وزير رهيو. ان ئي سال پاڪستان پيپلز پارٽيءَ کان ڌار ٿي مسلم ليگ ۾ شامل ٿيو. هيءُ آگسٽ 1975ع کان جولاءِ 1977ع تائين سينيٽر رهيو. ان دوران هي جيل به ويو. آگسٽ 1978ع ۾ هن پاڪستان مساوات پارٽيءَ جو بنياد رکيو. هن ’باز آئو‘، ’زنده رهو‘، ’پنجاب ڪا مقدمه‘ ۽ ’دُب اڪبر‘ ڪتاب لکيا.

داخلا ۾ استعمال ٿيل تاريخون

1930.03.15  عيسوي

پاڪستان جي مشهور سياسي اڳواڻ، صحافي ۽ پاڪستان مساوات پارٽيءَ جي باني حنيف رامي، 15 مارچ 1930ع تي نانڪاڻا صاحب، ضلعي شيخوپوره، پنجاب ۾ جنم ورتو

1975.07.11  عيسوي

فيبروري 1972ع کان 11 مارچ 1974ع تائين پنجاب جو خزاني جو صوبائي وزير ۽ پوءِ 11 جولاءِ 1975ع تائين پنجاب جو وڏو وزير رهيو.

شخصيتون - ڀاڱي جون ٻِيون داخلائون