حويليءَ جا راز

حويليءَ جا راز (ڪتاب): هيءُ ڪتاب نامياري ڪهاڻيڪار ’ماڻڪ‘ جي ڪهاڻين تي مشتمل آهي، جنهن ۾ 18 ڪهاڻيون آهن، جن ۾: (1) حويليءَ جا راز، (2) ٻاهر ٻاڦ نه نڪري، (3) حقيقت ۽ دوکو، (4) هڪ ڪهاڻي- سواءِ سري جي، (5) پلاند، (6) ڪاري، (7) پهرين انام ڪهاڻي، (8) ٻي انام ڪهاڻي، (9) ٽين انام ڪهاڻي، (10) بيٺل ڦيرو، (11) وقتائتو موت، (12) ڪلارڪ جي پهرين تاريخ، (13) اُتساهه جو موت، (14) مئل زندگي، (15) نوٽ بوُڪ (ڊائريءَ) منجھان، (16) انسان بوءِ- انسان بوءِ، (17) روبوٽ ۽ (18) گيس چيمبر شامل آهن. ماڻڪ جي سڀ کان مشهور ڪهاڻي ’حويليءَ جا راز‘ آهي، جنهن کيس هڪ منفرد ڪهاڻيڪار بڻايو آهي. هن ڪتاب جو وڌايل ۽ سڌاريل پهريون ڇاپو روشني پبليڪيشن، ڪنڊياري، 2003ع ۾ شايع ڪرايو. پڪي جلد سان، ڊيمي سائيز جي هن ڪتاب ۾ ڪُل 140 صفحا آهن، ان جي قيمت 80 رپيا آهي.

ڪتاب - ڀاڱي جون ٻِيون داخلائون