حڪيم حاجي نذير احمد شيخ
حڪيم حاجي نذير احمد شيخ
حڪيم حاجي نذير احمد شيخ: سنڌ جو مشهور حڪيم حاجي نذير احمد شيـخ ولـد حاجـي حـامـد علـي عرف ڦوٽو شيـخ، 25 جنوري 1943ع تي مٽياري شهر ۾ پيدا ٿيو. مئٽرڪ جو امتحان 1961ع ۾ مٽياريءَ مان پاس ڪيائين. پڙهائيءَ بعد حڪمت ڪرڻ لڳو. 1968ع ۾ ڪراچيءَ مان پيٿالاجيءَ جو ڪورس ڪري سعيد آباد ۾ 20 سال حڪمت ڪيائين. هن پهريون ڀيرو ’بينظير ڦڪي‘ جي نالي سان هڪ دوا تيار ڪري مارڪيٽ ۾ آندي. 1984ع کان عبرت اخبار ۾ صحت جي موضوع تي مسلسل مضمون لکندو پيو اچي. 1992ع دوران اخبار ۾ حڪمت بابت سوالن جوابن جو سلسلو شروع ڪيائين، جيڪي سوال جواب ’حڪيم نذير احمد شيخ جا طبي مشورا‘ جي نالي سان عبرت گروپ آف پبليڪيشن حيدرآباد پاران 1966ع ۾ ڪتابي صورت ۾ ڇپيا. حڪيم صاحب 1988ع کان 1993ع تائين لاڳيتو حيدرآباد ۽ ڪراچيءَ ۾ ڪلينڪ هلائيندو رهيو. لساني فسادن کان پوءِ ڪراچيءَ واري ڪلينڪ بند ڪري ڇڏيائين. سندس ٻه ڪتاب: (1) ’قدرتي جڙي بوٽيان اور قرآني دعائون ڪي ذريعي شفاء بخش علاج‘ ۽ (2) ’بيمارين جا سبب ۽ جديد علاج‘ (2004ع) ڇپيل آهن. سندس تجويز ڪيل نسخن جي بنياد تي ٺهيل يوناني دوائون ’اي. آر. ليبارٽريز‘ نالي هڪ دواساز اداري ذريعي سڄي سنڌ ۽ ملڪ ۾ موڪليون وڃن ٿيون. حڪيم حاجي نذير احمد شيـخ 26 جون 2021ع تي وفات ڪئي
لفظ حڪيم حاجي نذير احمد شيخھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1943.01.25 عيسوي
سنڌ جو مشهور حڪيم حاجي نذير احمد شيـخ ولـد حاجـي حـامـد علـي عرف ڦوٽو شيـخ، 25 جنوري 1943ع تي مٽياري شهر ۾ پيدا ٿيو.
2021.06.26 عيسوي
حڪيم حاجي نذير احمد شيـخ 26 جون 2021ع تي وفات ڪئي
شخصيتون - ڀاڱي جون ٻِيون داخلائون
مائي ڄامانعالم شاهه بخاري
دوست محمد مرزادوست
شبانه سنڌي
بلال عباس خان
ڀولو پهلوان
ڀاڳچند هرداساڻي ڊاڪٽر
خورشيد احمد شاهه
ڀڳت سنگهه
تاجو ليکي