خليق الزمان، مخدوم

خليق الزمان، مخدوم: مشهور سياستدان ۽ اديب مخدوم خليق الزمان، سروري جماعت جي روحاني پيشوا، نامور عالم ۽ شاعر مخدوم محمد زمان طالب الموليٰ جو ٻيو نمبر فرزند هو. سندس اصل نالو مخدوم غلام محمد آهي. هن هالا نوان (موجوده مٽياري ضلعي) ۾ 13 فيبروري 1949ع تي جنم ورتو. مخدوم خليق الزمان گرئجوئيٽ ڪئي. هيءُ ادبي، سماجي ۽ ثقافتي سرگرمين ۾ وڏي دلچسپي رکندوهو. شاعريءَ ۾ سندس تخلص ’خليق‘ آهي. هن شاعريءَ ۾ پنهنجي والد مخدوم محمد زمان طالب الموليٰ کان اصلاح ورتي ۽ ان حوالي سان مخدوم صاحب سندس استاد آهي. مخدوم خليق الزمان شاعريءَ جو آغاز 1972ع کان ڪيو. سندس ڪلام مختصر ۽ غزلن تي مشتمل آهي. ملڪي سياست ۾ سندس گهرو عمل دخل رهيو آهي. قومي اسيمبليءَ جو ميمبر، سينيٽر ۽ پاڪستان پيپلز پارٽي، سنڌ جو صدر رهي چڪو آهي.مخدوم خليق الزمان 14 مارچ 2022ع تي وفات ڪئي.

داخلا ۾ استعمال ٿيل تاريخون

1949.02.13  عيسوي

مشهور سياستدان ۽ اديب مخدوم خليق الزمان، سروري جماعت جي روحاني پيشوا، نامور عالم ۽ شاعر مخدوم محمد زمان طالب الموليٰ جو ٻيو نمبر فرزند آهي. سندس اصل نالو مخدوم غلام محمد آهي. هن هالا نوان (موجوده مٽياري ضلعي) ۾ 13 فيبروري 1949ع تي جنم ورتو.

2022.03.14  عيسوي

مخدوم خليق الزمان 14 مارچ 2022ع تي وفات ڪئي.

شخصيتون - ڀاڱي جون ٻِيون داخلائون