دالا ڀان (ذات): دالا، ڀانن ۽ چارڻن جي هڪ پاڙي جو نالو آهي. دالا ڀانن لاءِ ڊاڪٽر نبي بخش خان بلوچ لکي ٿو تہ: ”دالا، مشھور قبيلي ’ڀان‘ مان آهن، ’ڀان بہ اصل ’چارڻن‘ مان آهن. هن ذات وارن جي نالي سان شھر ’ڀان‘ تعلقي سيوهڻ ۾ موجود آهي. ’دالا ڀان‘ وارن جا ڪي پاڙا ’اسحاقاڻي‘ ۽ ’عاقلاڻي‘، ميرپورخاص ضلعي جي ڳوٺ فضل ڀنڀري ۾ رهن ٿا، جڏهن تہ ’هرٻا ڀان‘، ’موتيا ڀان‘ ۽ ’آمناڻي ڀان‘ (ضلعي بدين ۾)، هاشماڻي (ونگي ۾)، ’ليڏا ڀان‘ (مرحوم حاجي يوسف جو خاندان: ڳوٺ ساندي، تعلقي بدين ۾)، ’چـنـاڻـي ڀـان‘ (فضل ڀنڀري اسٽيشن لڳ)، ’چنيءَ پار ڀان‘ (ڪڇ جي شھر ڀُڄ ۾) رهن ٿا. ٻيا وري ’جکيا ڀان‘ سڏجن ٿا. ملتان جو ’گهـٽـو‘ نـالـي خـليـفـو ’جکيو ڀان‘ هو. جکيا ڀان، ڏان طور ملتان وارن مريدن کان پٽڪو وٺندا آهن.“