دريا خان مريءَ جو منارو ۽ مندر: کيئل ٻائيءَ جو تعمير ڪرايل هيءُ مندر ۽ منارو، ضلعي نوشهري فيروز جي تاريخي شهر دريا خان مريءَ ۾ واقع آهي. هيءُ مندر ۽ منارو 85 فوٽ بلند آهي ۽ ٻه اڍائي سئو سال اڳ جو چيو وڃي ٿو. کيئل ٻائي سخي عورت هئي. خير جا ڪم ڪرڻ جي حوالي سان پوري علائقي ۾ مشهور هئي. هن هي منارو ۽ مندر پنهنجي مڙس منگھارام جي ياد ۾ تعمير ڪرايو هو.
هيءُ منارو ۽ مندر فنِ تعمير جو هڪ بهترين نمونو آهي. مناري تي چڙهڻ لاءِ ڏاڪا آهن. پري کان ئي ڏسڻ ۾ اچي ٿو. هي منارو ۽ مندر ضلعي نوشهري فيروز جي قديم آثارن ۾ شمار ٿين ٿا ۽ وڏي اهميت رکن ٿا.