درٻار مڙهي ڌيرج گر: هيءُ ماڳ، جهول شهر ويجهو جهول - ٻوٻي لنڪ روڊ تي ٿهيم شاخ لڳ، ديهه ڌام رکي ۾ واقع آهي، جيڪا هندو جاتي جي ماڻهن لاءِ ياترا جي جاءِ آهي. گو سوامي ڌيرج گر جو اهو آشرم ۽ مڙهي جهول شهر کان ٻاهر آهي، پر هن شهر ۾ رهندڙ هندو جاتي جي ياترا جو مرڪز آهي. درٻار مڙهي ڌيرج گر به سئو سال کن قديم آهي. جهول جي هندو جاتين خاص ڪري مهراجن جي عرض تي اڳوڻي ايم. اين. اي ڪشنچند پارواڻيءَ درٻار مڙهي ڌيرج گر تي هڪ عاليشان هال ٺهرائي ڏنو.