ديوارن جي دنيا پويان
ديوارن جي دنيا پويان
ديوارن جي دنيا پويان (ڪتاب): هي ڪتاب نئين ٽهيءَ جي نامياري شاعر ۽ نثر نويس ايوب کوسي جي جيل ڊائري آهي. ايوب کوسي کي هڪ خط (ڪالم) لکڻ تي نه رڳو جيل موڪليو ويو هو، پر جنهن اخبار’الک‘ ۾ اهو خط ڇپيو، ان تي به بندش وڌي وئي هئي. ايوب کوسي، سينٽرل جيل حيدرآباد ۾ قيد واري عرصي دوران پنهنجي مطالعي ۽ مشاهدي جي آڌار، وقت جي حالتن ۽ حادثن جي عڪاسي نثر ۾ انتهائي بيباڪيءَ سان ڪئي آهي. 237 صفحن تي مشتمل ڪتاب جو پهريون ڇاپو، 2003ع ۾ ڪنول پبليڪشن قنبر مان ڇپجي پڌرو ٿيو.