ديوان حافظ 1

ديوان حافظ 1 (ڪتاب): هيءُ ڪتاب ايران جي عظيم صوفي شاعر حافظ شيرازيءَ جي شاعري جو ديوان آهي، جيڪو مشهور اُستاد محمد يعقوب ’نياز‘، سنڌيءَ ۾ ترجمو ڪيو آهي. هن ڪتاب ۾ حافظ شيرازيءَ جي چونڊ شاعري ڏنل آهي جنهن کي ترجمي نگار نهايت ئي برجستگيءَ سان سنڌيءَ ۾ آندو آهي. ڪتاب ۾ حافظ جي فارسي غزلن جي سامهون سنڌي شائسته نثر ۾ انهن جو ترجمو ڏنو ويو آهي. ڪتاب جي شروعات ۾ ترجمي نگار پيش لفظ ۾ڄاڻايو آهي ته: ”جڏهن اسان جي نسل تي اهو بار پيو ته ايندڙ نسلن کي علم ۽ ادب جو شعور منتقل ڪريون، تڏهن اسان مان انهن، جن مغربي ٻوليون انگريزي، فرينچ وغيره سکيون، تن انهن ٻولين جو ادب سنڌيءَ ۾ پلٽائي وڌو ۽ مون جهڙن، جن جي انهن ٻولين تائين رسائي نه ٿي سگهي، تن وري فارسي ادب مان چونڊي چڱيون چڱيون شيون سنڌيءَ ۾ آڻڻ جو سوچيو.“ ڪتاب ۾ ليکڪ جي تعارف سميت حافظ شيرازيءَ جي جامع سوانح عمري به ڏنل آهي. ٻه رنگي ٽائيٽل سان، ڪرائون سائيز ۾ 150 صفحن تي مشتمل هن ڪتاب جو ملهه 10 رپيا آهي. جيڪو آگم پبلشنگ ايجنسي حيدرآباد 1983ع ۾ ڇپرائي پڌرو ڪيو.

ڪتاب - ڀاڱي جون ٻِيون داخلائون