راجا ظفرالحق
راجا ظفرالحق
راجا ظفرالحق: ناميارو سياستدان ۽ قانوندان، راجا ظفرالحق، 18 نومبر 1935ع ۾ ماٽور (Matore)، تعلقي ڪهوٽا، ضلعي راولپنڊيءَ ۾ پيدا ٿيو. ابتدائي تعليم سيالڪوٽ ۾ حاصل ڪيائين. گورنمينٽ ڪاليج لاهـور مان بـي. اي جـو امتحـان پاس ڪري، پنجـاب يونيـورسٽيءَ مان ايم. اي معاشيات ۽ لا ڪاليج مان قانون جي ڊگري حاصل ڪيائين. تعليم مڪمل ڪرڻ کانپوءِ 1958ع ۾ راولپنڊيءَ ۾ وڪالت شروع ڪيائين. 1964ع تائين ڊسٽرڪٽ ڪائونسل راولپنڊيءَ جو ميمبر ۽ مسلم ليگ راولپنڊيءَ جو صدر رهيو. 1977ع ۾ راولپنڊي بار ايسوسيئيشن جو صدر چونڊيو ويو. هاءِ ڪورٽ بار ايسوسيئيشن راولپنڊي سرڪل جو نائب صدر بہ رهيو. 1981ع ۾ وفاقي ڪابينا ۾ وزير اطلاعات ۽ نشريات مقرر ٿيو. 1985ع تائين ان عهدي تي برقرار رهيو. 84-1983ع ۾ مذهبي معاملن واري وزارت جي اضافي چارج بہ سندس حوالي رهي. 1985ع ۽ 1986ع ۾ مصر ۾ پاڪستان جو سفير رهيو. 1986ع ۽ 1987ع ۾ وزيراعظم جو سياسي صلاحڪار رهيو.
راجا ظفرالحق ڪيترين ئي بين الاقوامي ڪانفرنسن ۾ پاڪستان جي نمائندگي ڪري چڪو آهي، جن ۾ 1990ع ۾ گڏيل قومن جي جنرل اسيمبليءَ جو پنجيتاليهون اجلاس بہ شامل آهي. 1991ع ۾ ڇھن سالن لاءِ سينيٽ جو ميمبر چونڊيو ۽ پ پ جي حڪومتي دؤر ۾ مخالف ڌر جو اڳواڻ رهيو. راجا ظفرالحق، ميان نواز شريف جي دؤر ۾ قائد ايوان چونڊيو ويو. سندس شمار مسلم ليگ (ن) جي اهم ۽ ڀروسي وارن ماڻهن ۾ ٿئي ٿو. راجا ظفرالحق سنڌ ۾ ساڄي ڌر جي اديبن جي ’تنظيم فڪر و نظر‘ نالي هڪ ادبي تنظيم منظم ڪرڻ ۾ اهم ڪردار ادا ڪيو، هن تنظيم جي مالي سهائتا پڻ ڪيائين، تہ جيئن اهي ترقي پسند ۽ قوم پرست سنڌي اديبن جو قلم ذريعي مقابلو جاري رکي سگهن.
لفظ راجا ظفرالحقھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1935.11.18 عيسوي
ناميارو سياستدان ۽ قانوندان، راجا ظفرالحق، 18 نومبر 1935ع ۾ ماٽور (Matore)، تعلقي ڪهوٽا، ضلعي راولپنڊيءَ ۾ پيدا ٿيو.
شخصيتون - ڀاڱي جون ٻِيون داخلائون
ايگزيڪيوٽوٽوپڻ شيخ
دلير دِل خان
چئناڻي حشمتراءِ آتما
التتمش
ثابت بن ضحاڪ
چوڌري فضل الاهي
راجيش ڪمار پرسراماڻي
امير پير
طالب حسين ڀورو بروهي