راشدي سليم

راشدي، سليم: ٽي. وي آرٽسٽ ۽ هدايتڪار سيد سليم راشديءَ، 13 سيپٽمبر 1975ع تي ڳوٺ شريفاڻي، ضلعي قنبر شهدادڪوٽ ۾ جنم ورتو. سندس والد جو نالو سيد روح الحق شاهه هو. سليم راشديءَ، اداڪاريءَ جي سکيا ايوب گاد کان ورتي ۽ 1992ع کان فني ڪيريئر جو آغاز ڪيو. هن پهريان اسٽيج ڊراما ڪيا ۽ سنڌ جي مختلف شهرن ۾ فن جو مظاهرو ڪيو. 2003ع کان پوءِ ڪي. ٽي. اين چئنل تي سنڌي ڊرامن کيس وڌيڪ شهرت ڏني. هن سوپ سيريل ’ڪڏهن ته ملنداسين‘ سميت مختلف ڊرامن: ’وفائون منتظر آهن‘، ’تپش‘، ’رواج‘، ’ڪاري‘، ’پرهه‘ وغيره ۾ ڪم ڪيو. سليم راشدي، ريڊيو ڊرامن ۾ به صداڪاري ڪئي. اسٽيج ڊرامي ’آخري گولي‘ تي کيس 1998ع ۾ اوارڊ به مليو. هي لاڙڪاڻي شهري اتحاد جو ميمبر پڻ آهي.

داخلا ۾ استعمال ٿيل تاريخون

1975.09.13  عيسوي

ٽي. وي آرٽسٽ ۽ هدايتڪار سيد سليم راشديءَ، 13 سيپٽمبر 1975ع تي ڳوٺ شريفاڻي، ضلعي قنبر شهدادڪوٽ ۾ جنم ورتو.

شخصيتون - ڀاڱي جون ٻِيون داخلائون