رجب باريجو پڙ (ماڳ): هيءُ پٿر جو ٺهيل هڪ پڙ يا دائرو آهي، جيڪو تاريخ جي دؤر جو ٺهيل معلوم ٿئي ٿو. هيءُ ماڳ ديهه ريڪ، تعلقي ٿاڻي بولا خان، ضلعي ڄامشوري ۾ 36° 9' 67" ڊگريون اوڀر ڊگھائي ڦاڪ ۽ 36° 56' 25" ڊگريون اتر ويڪرائي ڦاڪ تي موجود آهي.
هيءُ ماڳ ننڍن وڏن مختلف پٿرن مان ڍڳ جي صورت ۾ ٺهيل آهي. قديم آثارن جا ماهر هن ماڳ کي تاريخ جي دؤر جو ڄاڻائين ٿا ۽ سندن چوڻ آهي ته هي ڪو ثقافتي يا مذهبي اهڃاڻ آهي. هتي ڪا به ذڪر جوڳي وٿ ڪونه ٿي ملي. ماڳ جي معرف جو به پتو ڪونه ٿو پوي نه ئي هتي ماڳ جي کوٽائي ٿي آهي.