رحمت الله بهڻ
رحمت ﷲ بھڻ
رحمت ﷲ بھڻ: حاجي رحمت ﷲ ولد حاجي خان محمد بهڻ، ضلعي نوشهري فيروز جو مشھور سياسي اڳواڻ ۽ زميندار آهي. سندس جنم 1932ع ۾ موري لڳ ڳوٺ ڌيرڻ ۾ ٿيو ۽ اڄ بہ انهيءَ ساڳئي ڳوٺ ۾ رهي ٿو. رحمت ﷲ بهڻ، ننڍو ئي هو تہ سندس والد گذاري ويو، پوءِ چاچي جي پرورش هيٺ رهيو. سياسي طور هن جا پهرين تعلقي موري جي کيڙا خاندان سان ۽ پوءِ جتوئي خاندان سان تعلقات رهيا. 1962ع واري بي. ڊي اليڪشن دؤران جتوئين سان ناتا ٽوڙي، پير صاحب پاڳاري جي ويجهو ٿيو. جنرل ضياء جي دؤر ۾ مجلس شوريٰ جو بہ ميمبر رهيو، 1977ع جي چونڊن ۾ پيپلز پارٽيءَ جي مخالفت ڪيائين، پر اڳتي هلي 1988ع ڌاري ڄام صادق علي ۽ سيد ظفر علي شاھہ جي ڪوششن سان پ پ جي ٽڪيٽ تي قومي اسيمبليءَ جي چونڊ وڙهيو، هن پير صاحب پاڳاري جي اجازت سان اها چونڊ وڙهي ۽ غلام مصطفيٰ جتوئيءَ کان کٽيائين، پر 1990ع جي اليڪشن ۾ ڪامياب نہ ٿي سگهيو. 1993ع وارين چونڊن ۾ هن جتوئي خاندان سان ٻيهر ناتا بحال ڪيا ۽ پ پ جي ٽڪيٽ تي بيٺل اميدوار ملهار راڄپر سامهون چونڊ وڙهيو، پر شڪست کاڌائين. حاجي رحمت ﷲ خوش مزاج ۽ مهمان نواز شخص آهي. شاهنواز جوڻيجي کانپوءِ سنڌ ۾ ﷲ بھڻ'>رحمت ﷲ بھڻ کي ئي ڪلاسيڪل وڏيرو سمجهيو وڃي ٿو، ڇو تہ هو بھترين امين، ڪچهريءَ جو مور ۽ گهوڙن پالڻ جو شوقين آهي. سندس چونئري جي طرز تي ٺهيل اوطاق سنڌ ۾ تعمير جو هڪ نادر نمونو آهي، جتي هر وقت محفلون ۽ ڪچهريون متل هونديون آهن. پير پاڳاري شاھہ مردان شاھہ سان خاص ناتا هئس، ۽ سياسي تبديلين سبب انهن ناتن ۾ ڪڏهن بہ گهٽ وڌائي نہ آندائين ۽ نہ ئي پير صاحب کانئس شاڪي رهيو. پير صاحب خيرپور ويندي يا ڪراچيءَ ويندي حاجي رحمت ﷲ جي اوطاق تي ضرور ترسندو هو، جتي پير صاحب لاءِ خاص رهائش گاھہ ٺهرائي هئائين. حاجي ﷲ بھڻ'>رحمت ﷲ بھڻ جو اولاد بہ پيءُ وانگر ناتا نڀائي ڄاڻي ۽ هن وقت ڪاروبار ۽ سياسي وهنوار سنڀالي رهيا آهن.
لفظ رحمت ﷲ بھڻھيٺين داخلائن ۾ پڻ استعمال ٿيل آھي