رميش تلوڪچند جئسنگھاڻي: مشهور فنڪار ۽ موسيقار رميش تلوڪچند جئسنگهاڻيءَ جو جنم 6 فيبروري 1939ع تي ڳوٺ طيب، تعلقي رتيديري، ضلعي لاڙڪاڻي ۾ ٿيو. هو ڏهه درجا تعليم پرائي سگھيو. ورهاڱي کانپوءِ هندستان هليو ويو، جتي سندس لاڙو گائڪيءَ طرف ٿيو. هن قواليون، ويدانتي ڀڄن، گيت وغيره ڳائي هند ۾ خوب نالو ڪمايو آهي. سندس ڪيترائي گيت آل انڊيا ريڊيو تان وقت بوقت نشر ٿيندا رهن ٿا.
هن هندستان ۾ رهندي به ڪڏهن پنهنجي جنم ڀوميءَ سنڌ کي وساريو نه آهي ۽ پنهنجي آواز ذريعي هميشه سنڌ ۽ سنڌي ٻوليءَ سان پنهنجي بي پناهه محبت جو اظهار ڪندو رهيو آهي. سندس هڪ ڪتاب ’ڀڄن مالها‘ (1977ع) ڇپجي پڌرو ٿيو آهي.
1939.02.06 عيسوي
مشهور فنڪار ۽ موسيقار رميش تلوڪچند جئسنگهاڻيءَ جو جنم 6 فيبروري 1939ع تي ڳوٺ طيب، تعلقي رتيديري، ضلعي لاڙڪاڻي ۾ ٿيو.