ٻرڙو رياضت
رياضت ٻرڙو
رياضت ٻرڙو : نوجوان، شاعر ۽ ليکڪ رياضت ٻرڙي 27 فيبروري 1970ع ۾ شوڪت علي ٻرڙي جي گهر ۾ جنم ورتو. هن پرائمري تعليم قنبر ۾ ورتي ۽ مئٽرڪ به قمبر هاءِ اسڪول مان 1986ع ۾ ڪيائين. 1995ع سنڌ يونيورسٽيءَ مان ايم. ايس. سي (فزڪس) ڪيائين. اهڙيءَ طرح 2000ع ۾ ايم. اي (سنڌي) ۽ ايم. ايڊ جون ڊگريون ورتائين، رياضت ٻرڙو بنيادي طرح شاعر، ڪهاڻيڪار ۽ مترجم آهي. پهرين شاهه لطيف ڪاليج قنبر ۽ هن وقت ڊگري ڪاليج لاڙڪاڻي ۾ فزڪس جو ليڪچرار آهي. 94-1993ع دوران هڪ سال تائين سنڌ يونيورسٽيءَ جي ”سائنس“ رسالي جو اسسٽنٽ ايڊيٽر به رهي چڪو آهي. رياضت ٻرڙو سنڌي ادبي سنگت مرڪز جو جوائنٽ سيڪريٽري ۽ قنبر شاخ جو 6 سال سيڪريٽري رهي چڪو آهي، سنگت قنبر جي نيوز ليٽر ”باک“ جو ايڊيٽر به آهي. 2008ع ۾ قائم ڪيل ڊاڪٽر محبت اڪيڊميءَ جو باني ميمبر ۽ ڊائريڪٽر آهي، جنهن پاران نوجوان محقق ڊاڪٽر محبت ٻرڙي جا 13 ڪتاب اچي وڃن ٿا: (1) پيار ڪهاڻي (ڪهاڻيون: 1994ع)، (2) سائنسي معلومات (1994ع)، (3) سائنسي سوال جواب (1995ع)، (4) سائنسي ڄاڻ (2004ع)، (5) شام جي هوا (شاعري: 2004ع)، (6) ديوان رياضت (شاعري:2005ع)، (7) چانڊوڻا چمڪن (ترتيب: 2007ع)، (8) ذات ڏيئا ٻاريا (لاڙڪاڻي جا چونڊ شاعر (2010ع). رياضت ٻرڙي کي ڊاڪٽر تنوير عباسي اوارڊ (2000ع) کان سواءِ سچل ادبي مرڪز لاڙڪاڻي ۽ سنڌي ادبي سنگت قنبر پاران بهترين ڪهاڻيڪار جا سرٽيفڪيٽ به ملي چڪا آهن.
لفظ رياضت ٻرڙوھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
27.02.1970 عيسوي
رياضت ٻرڙي 27 فيبروري 1970ع ۾ شوڪت علي ٻرڙي جي گهر ۾ جنم ورتو .
اديب - ڀاڱي جون ٻِيون داخلائون
پٺاڻ نثار احمدشمشاد احمد سومرو
عباسي محمد عثمان چنيهه
چنا شبير ’ناز‘
چنا راهي
خالد آزاد
عبدالقدير ڪاڃون
چيتن ماڙيوالا
بهاري لعل ڇاٻڙيا
ڊومڪي حڪيم عبداللطيف