رُڪمڻي سندر چئناڻي

رُڪمڻي سندر چئناڻي: تعليمدان، ليکڪا، ڪهاڻيڪارِ ۽ شاعرِ رُڪمڻي سندر چئناڻي، 14 جولاءِ 1929ع تي حيدرآباد، سنڌ ۾ جنم ورتو. ورهاڱي کان پوءِ مائٽن سان گڏ پوني ۾ رهائش اختيار ڪيائين، جتي استادي پيشي سان واڳجي وئي ۽ هيڊمسٽريس جي عهدي تان ڪجھه سال اڳ رٽائرمينٽ اختيار ڪيائين. رڪمڻي سندر چئناڻيءَ جي تعليم ايم. اي ۽ ايم. ايڊ آهي. ٽيڪسٽ بوڪ بورڊ، پوني ۾ اسپيشل آفيسر رهي چڪي آهي. انٽرنيٽ تي ماهوار رسالو ’پيار‘ به ڪافي عرصي کان ڪڍندي رهي آهي.
سندس ڇپيل ڪتابن ۾ هييٺيان شامل آهن:
(1) گيـت پريت جا (1982ع)، (2) احساس (گيت، غزل: 1984ع)، (3) درد جو آواز (ڪهاڻيون: 1985ع)، (4) ست نارائڻ گاٿا (ڪوتائون: 1986ع)، (5) جدايون (غزل: 1987ع)، (6) ماءُ جا پٽ ڏانهن خط (1988ع)، (7) قسم پيار جو (ڪهاڻيون: 1989ع)، (8) سنڌي ناول ۾ ناري (مقالو: 1990ع)، (9) Women in Sindhi Novel (1990ع)، (10) پيار (مضمون: 1991ع)، (11) نيون راهون (غزل، گيت: 1992ع)، (12) مون کي چنڊ کپي (ڪهاڻيون- رهاڻيون: 1993ع)، (13) نيون راهون، نوان راهي (گيت، غزل: 1995ع)، (14) آتـمــا (جـيـوني: 1997ع)، (15) قسمت (ناول: 1998ع)، (16) مَنَ (مضمون: 1999ع)، (17) ورهاڱي کان پوءِ ڀارت ۾ سنڌي ليکڪائن جو سنڌي ساهت جي جدا جدا صنفن ۾ يوگدان (2000ع)، (18) سنڌيت جو اُپاسڪ ’اُتم‘ (2002ع). ان کان سواءِ ’ڪامل جو ڪلام‘
(ٻن ڪئسٽن ۾: 2001ع).

داخلا ۾ استعمال ٿيل تاريخون

1929.07.14  عيسوي

تعليمدان، ليکڪا، ڪهاڻيڪارِ ۽ شاعرِ رُڪمڻي سندر چئناڻي، 14 جولاءِ 1929ع تي حيدرآباد، سنڌ ۾ جنم ورتو.

اديب - ڀاڱي جون ٻِيون داخلائون