رڻ پٽياڻي: هيءَ ريلوي اسٽيشن، ڪراچي شهر کان 79 ڪلوميٽر پري ڪوٽڙي ڏانهن ويندڙ ريلوي لائين تي آهي. هن اسٽيشن جو نالو رڻ پٽياڻي جي نالي سان اچارجي ٿو، جيڪو اصل ۾ ريڻ پئٽاڻي آهي. ريڻ عموماً پاڻيءَ جي وهڪري کي چيو ويندو آهي. پئٽاڻي جو مطلب پاڻيءَ جي پلٽ ڪندڙ آهي. پاڻيءَ کي گھڻي علائقي ۾ پکيڙيندڙ يعني اهو پاڻيءَ جو وهڪرو، جيڪو پاڻيءَ جي گھڻي پالوٽ ڪندڙ هجي. ٿي سگھي ٿو ته ڪنهن پراڻي ڍوري جو انهي علائقي مان لنگهه هجي.