سليم مگسي
سليم مگسي
سليم مگسي: ڪهاڻيڪار سليم مگسي ولد محمد مومن مگسي، 10 آڪٽوبر 1965ع تي ڳوٺ سوڀي مگسيءَ، تعلقي ميهڙ، ضلعي دادوءَ ۾ جنم ورتو. هن پرائمري تعليم ڳوٺ حسن ٻيلي، ضلعي گھوٽڪيءَ مان حاصل ڪئي، ان بعد مئٽرڪ گورنمينٽ هاءِ اسڪول راڌڻ مان، انٽر ڊگري ڪاليج دادو مان ۽ بي. اي سنڌ يونيورسٽيءَ مان ڪيائين.
فطري لاڙن ۽ صحبت جي ڪري ڊي. ايس. ايف (ڊيموڪريٽڪ اسٽوڊنٽس فيڊريشن) جو سوشل سيڪريٽري رهيو. سياست سان گڏ ترقي پسند ادب جي مطالعي دوران ٻاهرين اديبن- گورڪي، ٽالسٽاءِ، دوستو وسڪي، ڪرشن چندر، سعادت حسين منٽو، خليل جبران، قرات العين حيدر، سارتر ۽ سنڌي ادب ۾ نورالهدى شاهه، ماڻڪ، امر جليل ۽ موهن ڪلپنا جي تحريرن کان متاثر هو.
1999ع کان لکڻ جي شروعات ڪيائين، عبرت مئگزن ۽ روزاني عوامي آواز ۾سندس مضمون ۽ ڪهاڻيون ڇپجنديون رهيون، ’گوري‘ عنوان سان سندس هڪ ڪهاڻيءَ مقبوليت ماڻي. سندس ڪهاڻين جو هڪ ڪتاب ’پياسو دريا، پياسا ماڻهو‘، مارئي اڪيڊمي سڪرنڊ، 2000ع ۾ شايع ڪرايو. سندس ڪهاڻيون عبرت مئگزن ۾ مسلسل ڇپجنديون رهيون آهن. سليم مگسي سنڌي ادبي سنگت ميهڙ جو لڳاتار چار سال سيڪريٽري ۽ هڪ ڀيرو جوائنٽ سيڪريٽري رهي چڪو آهي. عملي طور تي اصول پرست شخص آهي. هن وقت هاءِ ويز ڊپارٽمينٽ ۾ سينئر ڪلارڪ جي حيثيت سان خدمتون سرانجام ڏئي رهيو آهي.
لفظ سليم مگسيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1965.10.10 عيسوي
ڪهاڻيڪار سليم مگسي ولد محمد مومن مگسي، 10 آڪٽوبر 1965ع تي ڳوٺ سوڀي مگسيءَ، تعلقي ميهڙ، ضلعي دادوءَ ۾ جنم ورتو.
شخصيتون - ڀاڱي جون ٻِيون داخلائون
راشدي سيد بدرالدّجيٰ شاههچاچڪ شيخ مغل
اعجاز علي خواجه
ڄاموٽ سيد ذوالفقار علي شاهه
خديجه خانم دائود پوٽو
آگھمي ابو طالب
شاهه حسن مرزا ارغون
سليمان قاضي ڊاڪٽر
ڀڳت ٽڪيارام
علي مير شاهه