سليم ناصر
سليم ناصر
سليم ناصر: فلم ۽ ٽي وي جو مشھور اداڪار سليم ناصر 15 نومبر 1944ع تي ناگپور (گڏيل هندستان) جي هڪ پٺاڻ خاندان ۾ جنم ورتو. سندس اصل نالو سيد شير خان هو. ورهاڱي کان پوءِ ڪراچيءَ لڏي آيو. تعليم حاصل ڪرڻ کان پوءِ ڊفينس هائوسنگ اٿارٽي ڪراچيءَ ۾ پبلڪ رليشن آفيسر مقرر ٿيو. ڪجهه عرصي کان پوءِ اداڪاري جي شعبي ڏانھن رخ ڪيو. فني زندگيءَ جي شروعات پاڪستان ٽيلويزن لاهور سينٽر جي ڊرامي ’ليمپ پوسٽ‘ ۾ اداڪاري سان ڪئي. هن 400 جي لڳ ڀڳ ڊرامن ۽ 27 سيريلز ۾ ڪم ڪيو. سندس مشھور ٽي وي سيريلز ۾: ’دستک‘٬’آخری چٹان‘٬’سفید سایہ‘٬ ’جھوک سیال‘٬ ’پل‘٬ ’زنجیریں‘٬ ’جزیرہ‘٬ ’دستک‘٬ ’آنگن ٹیڑھا‘٬ ’ان کہی‘ ۽ ٻيا شامل آهن. هن ڏهن فلمن ۾ پڻ اداڪاري ڪئي، جن ۾: ’سچا جھوٹا‘٬ ’زیب النساءِ‘ ۽ ٻيون شامل آهن. ان کان علاوه هن ’ٽي وي ٽائمز‘ ۽ ’ٽي وي ٽيمپو‘ جي نالي سان تفريحي رسالا پڻ شايع ڪيا. سندس فني خدمتن عيوض کيس پرائيڊ آف پرفارمنس اوارڊ (1990ع) مليو. 19 آڪٽوبر 1989ع تي دل جي دوري پوڻ سبب ڪراچيءَ ۾ وفات ڪئي.
لفظ سليم ناصرھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1944.11.15 عيسوي
فلم ۽ ٽي وي جو مشھور اداڪار سليم ناصر 15 نومبر 1944ع تي ناگپور (گڏيل هندستان) جي هڪ پٺاڻ خاندان ۾ جنم ورتو.
1989.10.19 عيسوي
سليم ناصر 19 آڪٽوبر 1989ع تي دل جي دوري پوڻ سبب ڪراچيءَ ۾ وفات ڪئي.
شخصيتون - ڀاڱي جون ٻِيون داخلائون
ايس گلعبدالقادر عرف قادري کيڙو ڊاڪٽر
جعفر مخدوم بوبڪائي
جتوئي محراب خان
سهراب مگسي
محمد پريل سومرو
استاد انور علي سانگي
ابن الجوزي
جمعو شيدي 1
پرويز احمد کوکر