سنڌ مسلمانن جي فتح کان اڳ

سنڌ مسلمانن جي فتح کان اڳ

سنڌ مسلمانن جي فتح کان اڳ

سنڌ: مسلمانن جي فتح کان اڳ (Sindh Before the Muslim Conquest) ڪتاب: سنڌي ادبي بورڊ جي ’سنڌ جي تاريخ- سلسلي‘ جو ٻيو جلد به ايڇ. ٽي. لئمبرڪ تيار ڪيو هو. ان جو انگريزيءَ ۾ نالو Sindh Before the Muslim Conquest هو، جنهن جا ٻه ڇاپا، 1973ع ۽ 1996ع ۾ سنڌي ادبي بورڊ شايع ڪيا هئا. ٻئي ڇاپي جي قيمت 150 روپيا هئي ۽ ان جا صفحا 218 هئا، جڏهن ته هن جو سنڌي ترجمو ”سنڌ: مسلمانن جي فتح کان اڳ“ عنوان سان سومار علي سومري ڪيو ۽ ان جي تصحيح محمد ابراهيم جويي ڪئي هئي. سنڌي ترجمي جا هن وقت تائين ٽي ڇاپا، ترتيبوار 1984ع، 1990ع ۽ 2005ع ۾ ڇپجي چڪا آهن. هي جلد 11 بابن ۾ ورهايل آهي، جنهن جو تفصيل هن ريت آهي:
باب 1: سنڌو تهذيب، اُن جو اُسرن ۽ ڦهلجڻ، باب 2: سنڌو تهذيب، عروج ۽ زوال، باب 3: سنڌ جي قديم روايتي تاريخ، باب 4: سنڌ، ايران جي هخامنشي بادشاهن جي هٿ هيٺ، باب 5: سڪندراعظم جي ڪاهه، باب 6: سنڌ، موريا گهراڻي وارن ۽ بئڪٽريا وارن يونانين جي زماني ۾، باب 7: سنڌ سٿين ۽ پارٿين لوڪن جي هٿ هيٺ، باب 8: سنڌ، عيسوي سن جي پهرين پنجن صدين دوران، باب 9: سنڌ جو ٻڌ ڌرم وارو راءِ گهراڻو، باب 10: چچ جو قبضو، ۽ باب 11: سنڌ جي برهمڻ گهراڻي جو زوال.
ڪتاب جي آخر ۾ لئمبرڪ جي حياتيءَ جو احوال، نامور اديب ۽ عالم غلام رباني آگري ۽ ڊاڪٽر حميده کهڙو جو لکيل ڏنو ويو آهي، آخر ۾ ڊاڪٽر ابوسلمان شاهجهانپوريءَ جي ڏسڻي
(Index) به ڏني وئي آهي. سنڌي ترجمي جو ٽيون ڇاپو ڊيمي سائيز جي 280 صفحن تي مشتمل آهي ۽ ان جي قيمت 160 روپيا آهي.

ڪتاب - ڀاڱي جون ٻِيون داخلائون