سيد فدا حسين شاهه
سيد فدا حسين شاھہ
سيد فدا حسين شاھہ: شوبز جي نامور شخص سيد فدا حسين ولد گل حسن شاھہ جو جنم 30 سيپٽمبر 1965ع تي مٽياريءَ ۾ ٿيو. ننڍپڻ کان سندس رجحان فلمون ڏسڻ ۽ انهن بابت معلومات گڏ ڪرڻ رهيو، ان معلومات جي آڌار تي هن شوبز تي لکڻ کي پيشي (Profession) طور اختيار ڪرڻ جو فيصلو ڪيو. 1990ع واري ڏهاڪي ۾ سنڌي صحافت جي ترقيءَ لاءِ سنڌي اخبارن جي اجراء جو رجحان وڌڻ سبب سنڌيءَ ۾ شوبز (ٽي. وي ۽ فلمي دنيا) تي لکڻ جو رواج پيو. ان حوالي سان فدا حسين شوبز بابت لکڻين سان عملي طور صحافتي ڪم جو آغاز ڪيو. سيد فدا حسين شاھہ سنڌيءَ ۾ شوبز تي لکندڙ اوائلي صحافيءَ جي حيثيت ۾ سڃاتو وڃي ٿو. هن پنھنجي علمي زندگيءَ جو آغاز عبرت اخبار ۽ رسالي ۾ لکڻ سان ڪيو، بعد ۾ مشھور سنڌي رسالي ’سھڻي‘ ۽ ڪجهہ عرصو ڪاوش گروپ سان واڳيل رهيو. طارق اشرف جي رسالي سهڻيءَ ۾ لکڻ دوران ڀارت جي فلم ڊائريڪٽر يش چوپڙا کيس خط لکيو، جنهن جو عڪس سھڻي رسالي ۾ ڇپيو. عبرت مئگزين ۾ سندس ڪالم ’بمبئي انڪوائري‘ کي ڏاڍي شھرت ملي، ان سان گڏ سيد فدا حسين شاھہ، اردو رسالي ’اخبارِ جھان‘ ۾ بہ ’بمبئي ڪي فلمي سرگوشيان‘ جي نالي سان ڪافي وقت لکيو. ان کان سواءِ ڪيترن اردو، انگريزي مخزنن: وومينس ورلڊ، فاصله، رابطہ ۽ جنگ ۾ فدا حسين شاھہ فيشن نقاد جي حيثيت سان سنڌيءَ ۾ پهريون ڀيرو فيشن تي لکيو آهي. سنڌي ڀرت ۽ سنڌي فيشن کي نمايان ڪرڻ سان گڏ هن سموري دنيا جي فيشن تي ٽيڪا ٽپڻي ڪئي آهي. بي. بي. سي ۽ سي. اين. اين کان سواءِ انٽرنيشنل شوبز ۽ فيشن ويب سائيٽن تي پڻ لکندو رهي ٿو. کيس فلمي ۽ فيشن انسائيڪلوپيڊيا سمجهيو وڃي ٿو. ڊانس تي مهارت رکندڙ سيد فدا حسين شاھہ، شاعريءَ کانسواءِ ٽي. وي ٽاڪ شوز ۽ ريڊيو تي بہ موسيقي، فيشن ۽ شوبز جا پروگرام ڪندو رهي ٿو، جڏهن تہ سماجي تنظيمن ۾ انساني حقن تي ليڪچر بہ ڏئي ٿو.
لفظ سيد فدا حسين شاھہھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1965.09.30 عيسوي
شوبز جي نامور شخص سيد فدا حسين ولد گل حسن شاهه جو جنم 30 سيپٽمبر 1965ع تي مٽياريءَ ۾ ٿيو.
شخصيتون - ڀاڱي جون ٻِيون داخلائون
قاضي آصف پروفيسرسيد حاجي محمد حافظ شاھہ
جعفري غلام حسين
سيد ويڌل شاھہ موسوي
احمد ھالائي مخدوم
خان محمد سمون
ڊيڪارٽ
عبدالله ٺٽوي مخدوم
الھہ آندو شاھہ
بلاول فقير زرداري