سڏن مٿي سڏڙا

سڏن مٿي سڏڙا (ڪتاب): هي ڪتاب سنڌ جي نامور ليکڪ علي احمد بروهيءَ جو لکيل آهي. هن ڪتاب ۾ متفرق مضمون شامل آهن. ڪتاب جي شروعات ۾ ليکڪ پنهنجي زندگيءَ متعلق هڪ مضمون لکيو آهي، ان کانپوءِ سنڌي ٻولي، سنڌي لوڪ ادب، سنڌ جون رسمون ۽ رواج، سنڌي عورت، اسان جا رهبر ۽ رهنما، شڪارپور جيئن مون ڏٺي ۽ ٻڌي، ناني هنگلاج جهڙا مضمون شامل آهن. ان کان سواءِ هن ڪتاب ۾ مختلف شخصيتن: وتائي فقير، ڀائي جندارام، علامه آءِ. آءِ. قاضي، ڀائي ڪنوررام، مولانا عبدالغفور سيتائي، سردار محمد ايوب خان ڪوٽائي، سيد جمال الدين بخاري، امير محمد خان نواب آف ڪالا باغ ۽ عابده پروين بابت مضمون شامل آهن.
ڪتاب جي آخري حصي ۾ ڪجھه مزاحيه مضمون شامل ڪيا ويا آهن، جن ۾ عثمان حجم جو روزو، اهو سون ئي گھوريو جو ڪن ڇني، ملان دينو ۽ ٻيا شامل آهن.
176 صفحن تي مشتمل ڊيمي سائيز جو هي ڪتاب سنڌي ساهت گھر حيدرآباد 1996ع ۾ ڇپائي پڌرو ڪيو. هن ڪتاب جو ڪچي جلد سان ملهه 70 رپيا ڄاڻايل آهي.

ڪتاب - ڀاڱي جون ٻِيون داخلائون