شهاب نامو

شهاب نامو (ڪتاب): هيءُ ڪتاب سماجي اڳواڻ، ليکڪ ۽ بيوروڪريٽ آغا شهاب الدين جي زندگي ۽ يادگيرين تي مشتمل آهي. ڪتاب جو مهاڳ ليکڪ پاڻ لکيو آهي. انتساب پنهنجي گهر واري زرينه، ڌيءَ فوزيه ۽ پٽن زاهد، شاهد ۽ عابد جي نالي ڪيل اٿس. ڪتاب ترتيب جي حوالي سان ستن حصن ۾ ورهايل آهي. پهرين حصي ۾ مهاڳ ڏنو ويو آهي. ٻئي حصي ۾ والد مرحوم خانصاحب تاج محمد خان'>آغا تاج محمد خان، ٽئين حصي ۾ پاڻ تي ۽ چوٿين حصي ۾ خاندان ۽ ويجهن مائٽن تي تبصرو ڪيل آهي، پنجين حصي ۾ ‘معزز سنڌ واسي’ جي عنوان سان دوستن، رهنمائن، بزرگن ۽ واسطيدار معتبر شخصيتن تي تبصرو ڪيو ويو آهي، ڇهين حصي ۾ سرڪاري، غير سرڪاري شخصيتن تي تبصرا ۽ رايا شامل آهن ۽ ستين حصي ۾ پنهنجون ڪجهه لکڻيون ‘منهنجي ڊائري جا ڪي ورق’ عنوان سان شامل ڪيل آهن. ان کان سواءِ ڪتاب جي اندر مختلف جاين تي يادگار تصويرون پڻ ڏنل آهي.
527 صفحن تي ڊيمي سائيز ۾ پڪي جلد ۽ رنگين ٽائيٽل سان هي ڪتاب 2012ع ۾ ڇپجي پڌرو ٿيو. ڪتاب جي ٽائيٽل تي ليکڪ جي تصوير ۽ بيئڪ ٽائيٽل تي سندس پروفائيل ڏنل آهي.

ڪتاب - ڀاڱي جون ٻِيون داخلائون