شهباز علي ملازم سروري
شهباز علي ملازم سروري
شهباز علي ملازم ‘سروري’: شهباز علي ملازم سروري ولد عبدالڪريم خاصخيليءَ 10 جون 1916ع تي ڳوٺ آراضي تعلقي سيوهڻ، ضلعي ڄام شوري ۾ جنم ورتو. قرآن شريف جي تعليم، پنج درجا سنڌي ۽ ڪجھه سبق فارسيءَ جا پڙهيائين. هالن ۾ محمد فقير کٽياڻ ۽ فقير الله بخش ملاح جي صحبت ۾ رهڻ سبب سندس طبيعت شاعريءَ طرف مائل ٿيس. اڳتي هلي کيس مخدوم محمد زمان طالب المولى جي شاعراڻي صحبت ۽ استاديءَ هيٺ باقاعده شاعريءَ جي تربيت ملي. سندس شاعريءَ ۾ غزل، ڪافي، بيت، گيت، رباعيون، مرثيه، نعت، حمد، ڏور ۽ نظم موجود آهن. سندس تصنيفن ۾ ‘نغمئه دل’، ‘لڙڪ حسين گل’ ۽ سنڌي ادبي بورڊ ڄام شوري پاران ڇپايل ڪتاب ‘حمد ۽ نعت’ شامل آهن. سندس ڪيتروئي اڻ ڇپيل ڪلام موجود آهي. سندس ڪيترائي ڪلام ريڊيو تي به نشر ٿيندا رهن ٿا. هن 27 شوال 1415هه/28 مارچ 1995ع تي وفات ڪئي. سندس آخري آرامگاهه اباڻي قبرستان آراضي ۾ آهي.
لفظ شهباز علي ملازم سروريھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1916.06.10 عيسوي
شهباز علي ملازم سروري ولد عبدالڪريم خاصخيليءَ 10 جون 1916ع تي ڳوٺ آراضي تعلقي سيوهڻ، ضلعي ڄام شوري ۾ جنم ورتو.
1995.03.28 عيسوي
شهباز علي ملازم سروري 27 شوال 1415هه/28 مارچ 1995ع تي وفات ڪئي. سندس آخري آرامگاهه اباڻي قبرستان آراضي ۾ آهي.
شاعر - ڀاڱي جون ٻِيون داخلائون
دلپت صوفيمخدوم محمد عارف سيوستاني 2
دريا خان ڪلهوڙو
غالب مرزا اسدالله خان
احمد فقير لغاري
گوورڌن شرما گھايل
ثناءُ الله ثنائي
حبدار سولنگي
اسلم خيال
فقير لطف علي دايو