شهيد بينظير ڀٽو يونيورسٽي آف وٽرنري اينڊ اينيمل سائنس سڪرنڊ

شهيد بينظير ڀٽو يونيورسٽي آف وٽرنري اينڊ اينيمل سائنس سڪرنڊ: هيءَ يونيورسٽي جانورن جي پالنا، انهن جي علاج ۽ ساڻن لاڳاپيل مختلف علمن بابت اعليٰ تعليم ڏيڻ لاءِ 2012ع ۾ سڪرنڊ، ضلعي بينظير آباد ۾ قائم ڪئي وئي.
هن يونيورسٽيءَ ۾ ڇوڪرن ۽ ڇوڪرين کي گڏيل تربيت ڏني ويندي آهي. يونيورسٽيءَ جي لاءِ عمارت نه هجڻ سبب گورنمينٽ گرلز ڊگري ڪاليج سڪرنڊ جي عمارت ۾ هلايو پيو وڃي. هن يونيورسٽيءَ جي عمارت ٺهڻ بعد اوڏانهن منتقل ڪيو ويندو.
هن يونيورسٽيءَ ۾ فئڪلٽي آف وٽرنري سائنس، فئڪلٽي آف اينيمل پروڊڪشن اينڊ ٽئڪنالاجي، فئڪلٽي آف بايو سائنسز، فئڪلٽي آف فشريز اينڊ وائلڊ لائيف، فئڪلٽي آف لائيو اسٽاڪ، بزنيس مئنيجمينٽ ۽ فئڪلٽي آف انفارميشن ٽيڪنالوجيءَ جا تدريسي شعبا قائم ڪيا ويا آهن. يونيورسٽيءَ ۾ ڪلاسن جو باقاعده آغاز 2013ع کان ڪيو ويو آهي. هن وقت يونيورسٽيءَ جو وائيس چانسلر ڊاڪٽر جئمل ڌناڻي آهي.

درسگاھه - ڀاڱي جون ٻِيون داخلائون