شيخ، محمد رضا: شيخ محمد رضا، اصل ٺٽي جو رهاڪو هو. پوءِ بکر ويو، جتي دارالعلوم ۾ عربي ۽ فارسي پڙهي عالمگير اول (1068ھہ/1652ع کان 1118ھہ/1706ع) ۽ محمد شاھہ (1131ھہ/ 1719ع کان 1161ھہ/1748ع) جي ڏينهن ۾ بکر جي سرڪاري عهدن تي فائز رهيو ۽ فوجداري عهدي تي پهتو. علامہ مير عبدالجليل بلگراميءَ سان دوستي هئس، نواب اعظم خان حاڪم ٺٽي جڏهن شاھہ عنايت ﷲ صوفي جهوڪ واري سان جنگ ڪئي تہ شيخ محمد رضا نواب جي طرف هو. شيخ محمد رضا جا ٻہ فرزند بکر ۾ رهندا هئا.
شيخ محمد رضا 1143ھہ/ 1730ع ۾ وفات ڪئي.