شڪارپور سيمينار

شڪارپور سيمينار (سووينيئر): شڪارپور شھر جي تاريخ بابت هي سيمينار ‘شڪارپور ڊسٽرڪٽ هسٽاريڪل سوسائٽي’ طرفان 2 مئي 1985ع تي منعقد ڪيو ويو، انهي سيمينار جي موقعي تي پڙهيل تحقيقي مقالن ۾ هي شامل آهن: (1) شڪارپور شھر جو بنياد (ڊاڪٽر عبدالخالق سومرو)، (2) شڪارپور- سياحن ۽ مؤرخن جي نظر ۾ (ڊاڪٽر ميمڻ عبدالمجيد سنڌي)، (3) شڪارپور جي ماڻهن جي رهڻي ڪهڻي (حبيب ﷲ مولابخش ڀٽو)، (4) سنڌو واھہ (پير حسام الدين راشدي)، (5) شڪارپور ضلعي جي صحافت 1900ع کان 1984ع تائين (انور فگار هڪڙو).
تحقيقي مقالن کانسواءِ هن ۾ شڪارپور جي عالمن، اديبن، شاعرن، سياستدانن ۽ ماڳن مڪانن جون ناياب تصويرون پڻ شامل آهن. ڊبل ڪرائون سائيز ۾ 64 صفحن تي مشتمل هي سووينيئر شڪارپور ڊسٽرڪٽ هسٽاريڪل سوسائٽي شڪارپور طرفان 1985ع ۾ شايع ٿيو جنهن جي ڪا بہ قيمت ڄاڻايل نہ آهي.

داخلا ۾ استعمال ٿيل تاريخون

1985.05.02  عيسوي

شڪارپور شهر جي تاريخ بابت هي سيمينار ‘شڪارپور ڊسٽرڪٽ هسٽاريڪل سوسائٽي’ طرفان 2 مئي 1985ع تي منعقد ڪيو ويو،

ڪتاب - ڀاڱي جون ٻِيون داخلائون